FALALOLIN ZIKIRI

Mu'awiya Dan Abu Sufyan - Allah Ya yarda da su - ya fito ga wata halƙa a cikin Masallaci, sai ya tambayesu akan wanne abu ne suka taru? sai suka ce: Muna ambatan Allah, sai ya sa suka rantse, Allah Ya yarda da shi - cewa su ba su yi nufin komai da taruwarsu ba sai zikiri, sai suka rantse masa, Sannan ya ce da su: Lallai ni ban rantsar da ku ba dan tuhuma gareku da kuma kokwanto a gaskiyarku ba, sannan ya bada labari game da matsayinsa ga annabi - tsira da amincin Allah su tabbata agare shi - kuma cewa shi babu wani mutum dake da matsayin kusancin sa daga gare shi; dan kasancewar Ummu Habiba 'yar uwarsa ce kuma matar annabi - tsira da amincin Allah su tabbata agare shi ce-, dan kuma kasancewarsa daga marubutan wahayi, tare da hakan to shi mai ƙarancin riwaya ne ga hadisai. Sai ya zantar da su cewa annabi - tsira da amincin Allah su tabbata agare shi - ya fito wata rana daga gidansa, sai ya samesu a zaune a cikin masallaci, suna anbaton Allah suna gode masa akan shiryar da su da ya yi , ya kuma ni’imta su da shi, sai - tsira da amincin Allah su tabbata agare shi - ya tambaye su ya kuma rantsar da su da irin abinda Mu'awiya - Allah Ya yarda da shi - ya aikata tare sahabban sa. Sannan annabi - tsira da amincin Allah su tabbata agare shi - ya faɗa musu sababin tambayar sa gare su da kuma rantsar da su da ya yi: Cewa mala'ika Jibrilu - aminci ya tabbata a gare shi - ya zo masa sai ya ba shi labarin cewa Allah - mai girma da ɗaukaka - Yana yi wa mala'iku alfahari da ku, kuma yana bayyanar da falalarku gare su, kuma yana nuna musu kyakkyawan ayyukanku, Yana yabon ku a gurin su.

1. Falalar Mu'awiya - Allah Ya yarda da shi - da kwaɗayin sa akan koyi da Manzon Allah - tsira da amincin Allah su tabbata agare shi - a isar da ilimi.
2. Halaccin sa a rantse ba tare da tuhuma ba dan faɗakarwa akan muhimmancin alheri.
3. Falalar majalisan zikiri da ilimi kuma cewa Allah Yana son su kuma Yana yi wa mala'iku alfahari da su.

صحيح مسلم (4/ 2075) (2701). نزهة المتقين (2/ 993). بهجة الناظرين، لسليم الهلالي (2/ 522). كنوز رياض الصالحين، لمجموعة من الباحثين (17/ 271).

Annabi - tsira da amincin Allah su tabbata agare shi - ya tambayi sahabbansa: Shin kuna son in baku labari ? In sanar da ku da mafificin ayyukanku, kuma mafi ɗaukakarsu, mafi ƙaruwarsu, mafi tsarkinsu, mafi tsaf-tsaf ɗinsu a wurin Allah Mamallaki - Mai girma da ɗaukaka -? kuma mafi ɗaukakarsu a cikin masaukanku a aljanna? kuma mafi alheri gareku daga sadaka da zinare da azirfa? Kuma mafi alheri a gareku daga ku haɗu da kafirai dan yaƙi, sai ku daki wuyansu, su daki wuyanku ? Sahabbai suka ce: Eh, muna son hakan. (Annabi) tsira da amincin Allah su tabbata agare shi ya ce: Ambatan Allah - Maɗaukakin sarki - a dukkan lokuta da kuma dukkan siffofi da halaye.

1. Cewa dawwama akan ambaton Allah - Maɗaukakin sarki - a zahiri da baɗini yana daga mafi girman kusanci, kuma mafi anfaninsu a wurin Allah - Maɗaukakin sarki -.
2. Dukkan ayyuka kawai an shara'antasu ne dan tsaida ambaton Allah - Maɗaukkain sarki -, Allah - Maɗaukakin sarki - Ya ce: {Ka tsaida sallah dan ambatona}. (Annabi) tsira da amincin Allah su tabbata agare shi ya ce: Kaɗai an sanya Dawafi a ɗaki da kuma tsakanin Safa da Marwa, da jifan Jammarat (Shaiɗanu) dan ambatan Allah ne - Maɗaukakin sarki -. Abu Dawud ne da Tirmizi suka fitar da shi.
3. Izzu ɗan Abdussalam ya faɗa a cikin Kawa'idinsa; Wannan Hadisin yana daga abinda yake nunarwa cewa lada ba ya jerantuwa akan gwargwadan wahala a dukkanin ibadu. Kawai Allah - Maɗaukkain sarki - Zai iya bada lada mai yawa akan aiki ɗan kaɗan sama da yadda zai bada lada akan aiki mai yawa. Lada yana jerantuwa akan banbancin darajoji a matsayi.
4. AlManawi ya faɗa a cikin Faidil Kadir: Wannan Hadisin za’a ɗauke shi ne akan zikiri ya kasance mafifici ga waɗanda ake magana da su. Da za’a yi magana da wani gwarzo sadauki wanda amfanin musulunci zai samu da shi a cikin yaƙi da an ce da shi yaƙi, ko mawadacin da talakawa za su anfana da dukiyarsa da an ce da shi sadaka, mai iko akan Hajji da an ce da shi Hajji, ko wanda yake da iyaye da an ce da shi yi musu biyayya, da wannan ne za’a haɗa tsakanin Hadisan.
5. Mafi cikar zikiri abinda harshe ya furta shi tare da Tadabburin zuciya (ma'anoninsa), sannan abinda yake kasancewa da zuciya ita kaɗai kamar tunani, sannan abinda ya kasance da harshe shi kaɗai, a kowanne akwai lada in Allah Ya so - Maɗaukakin sarki -.
6. Lazimtar musulmi zikiran da suke da lokuta da kuma yanayi kamar zikiran safiya da maraice, da shiga masallaci da gida, da bayan gida da fita daga cikinsu... da wanin hakan zai sanya shi daga masu ambatan Allah da yawa.

سنن الترمذي (5/ 389) (3377). سنن ابن ماجه (4/ 705) (3790). مسند أحمد (36/ 33) (21702). بهجة الناظرين شرح رياض الصالحين، لسليم الهلالي (2/ 513). نزهة المتقين شرح رياض الصالحين، لمجموعة من الباحثين (2/ 985). كنوز رياض الصالحين لمجموعة من الباحثين.

Annabi - tsira da amincin Allah su tabbata agare shi - ya bayyana matsayin masu ambatan Allah da yawa, kuma cewa su sun kaɗaita kuma sun riga wasunsu da samun manyan darajoji acikin aljannar ni'ima, kuma ya kamantasu da dutsen Jumdan wanda shi kadai ne babu irinsa a cikin duwatsu.

1. An so yawan zikiri da shagaltuwa da shi, domin rigaya a lahira kawai yana kasancewa ne da yawan ayyukan biyayya, da ikhlasi a cikin ibadu.
2. Ambatan Allah yana kasancewa ne da harshe kawai, ko da zuciya kawai, ko da harshe da zuciya gaba ɗaya, kuma shi ne mafi girmansu a daraja.
3. Daga nau’ukan zikiri, (akwai) wuridai na shari'a waɗanda aka ƙayyade su, kamar zikiran safiya da maraice, da bayan sallolin farilla da wasunsu.
4. Annawawi ya ce: Ka sani cewa falalar zikiri ba ta taƙaita a tasbihi da hailala da tahmidi da kabbara da makamancinsu ba, kai dukkanin mai aiki saboda Allah - Maɗaukakin sarki - na ɗa'a to shi mai ambatan Allah ne - Maɗaukakin sarki - ne.
5. Ambatan Allah yana daga mafi girman sabubban tabbata a tafarkin Allah, tsarki ya tabbatar maSa Ya ɗaukaka - Ya ce: {Yaku waɗanda suka yi imani idan kun gamu da wasu jama'a to ku tabbata kuma ku ambaci Allah da yawa wataƙila kwa rabauta} [al-Anfal: 45].
6. Ta yadda aka kamanta tsakanin masu zikiri da dutsen Jumdan shi ne, kaɗaitaka da warewa; Dutsen Jumdan shi kadai ne a cikin duwatsu, haka nan mai ambatan Allah - Maɗaukakin sarki -, mai kaɗaituwa shi ne wanda zuciyarsa ta kaɗaita da harshensa da ambatan Ubangijinsa koda ya kasance tsakanin mutane, yana samun debe kewa a lokutan kaɗaitaka, yana damuwa daga yawan cakuɗuwar mutane. Kuma fuskar kamaceceniyar takan zama cewa zikiri sababin tabbata ne zuwa alkairai a duniya da lahira inda matafiyi daga Madina zuwa Makka ya kasance idan ya kai Jumdan ya kasance alamace ta isa Makka, wanda ya kai zuwa gare shi ya kasance ya riga, haka nan mai ambatan Allah - madaukakin sarki - shi ma mai rigayar waninsa ne saboda yawan ambatansa ga Allah - Maɗaukakin sarki -, Allah ne Mafi sani.

صحيح مسلم (4/ 2062) (2676). نزهة المتقين، لمجموعة من الباحثين (2/ 983). تيسير الكريم الرحمن في تفسير كلام المنان، لابن سعدي (ص665). بهجة الناظرين، لسليم الهلالي (2/ 510). شرح رياض الصالحين، لابن عثيمين (5/ 516).

Annabi - tsira da amincin Allah su tabbata agare shi - yana bada labarin cewa ya haɗu da (Annabi) Ibrahim badaɗayi - aminci ya tabbata agare shi - a daren Isra'i da Mi'iraji, sai ya ce masa Ya Muhammad; Ka isarwa da al'ummarka sallama daga gareni, kuma ka sanar dasu cewa aljanna mai daɗin turɓaya ce, mai daɗin ruwa ce babu zartsi a acikinsa, kuma aljanna mai faɗi ce madaidaiciya ce babu itatuwa a cikinta, dashenta (shi ne) kalmomi masu tsarki, sune wanzajju na gari: Tsarki ya tabbata ga Allah, godiya ta tabbata ga Allah, babu abin bautawa da gaskiya sai Allah, Allah ne Mafi girma, duk lokacin da musulmi ya faɗesu kuma ya maimaita su za'a yi masa dashe a cikin aljanna.

1. Kwaɗaitarwa akan dawwama akan zikiri dan yawaita dashen aljanna.
2. Falalar al'ummar musulmi; inda (Annabi) Ibrahim - tsira da aminci su tabbata agare shi - ya isar mata da sallama.
3. Kwaɗaitarwa (Annabi) Ibrahim - aminci ya tabbata agare shi - ga al'ummar (Annabi) Muhammad - tsira da amincin Allah su tabbata agare shi - cikin yawaitawa daga ambatan Allah - Maɗaukakin sarki -.
4. Malam al-Ɗaibi ya ce: Aljanna ...?, sannan Allah - Maɗaukakin sarki - Ya samar mata da bishiyoyi da katangu da falalarsa gwargwdan ayyukan masu aiki; kowane mai aiki akwai abinda ya keɓanta da shi saboda aikinsa, sannan cewa Shi - Allah Maɗaukakin sarki - yayin da Ya sawwaƙa masa dan abinda Ya halicce shi saboda shi na aiki dan ya samu lada da hakan sai Ya sanya shi kamar mai dasa waɗancan bishiyoyin.

سنن الترمذي (5/ 455) (3462). بهجة الناظرين شرح رياض الصالحين لسليم الهلالي (2/ 512). الكاشف عن حقائق السنن (شرح المشكاة)، للطيبي (6/ 1831). كنوز رياض الصالحين، لمجموعة من الباحثين (17/ 186). مشكاة المصابيح، للتبريزي (2/ 716). مرعاة المفاتيح شرح مشكاة المصابيح، للمباركفوري (7/ 476). نزهة المتقين شرح رياض الصالحين، لمجموعة من الباحثين (2/ 985).

Annabi - tsira da amincin Allah su tabbata agare shi - ya bada labarin cewa babu wasu mutanen da zasu zauna a wani wurin zama sannan su tashi ba su anbaci Allah a cikinsa ba sai sun tashi kamar waɗanda suka taru akan mushen jaki ta ɓangaren ɗoyi da ƙazanta; hakan yayin da suka shagalta a cikin zance daga anbatan Allah, sai wurin zaman ya zama hasara a kansu a ranar alƘiyama da kuma tawaya da dana-sanin da zata lazimcesu.

1. Abinda aka ambata na gargaɗi daga rafkana daga ambatan Allah ba mai taƙaituwa bane akan wuraren zama kawai ba, kai yana game wasunsu, alNawawi ya ce: An karhanta ga wanda ya zauna a wani wuri ya bar wurin kafin ya ambaci Allah - Maɗaukakin sarki - a cikinsa.
2. Hasara mai faruwa garesu a ranar alƘiyama: Ko dai da kufcewar lada da sakamako saboda rashin fa'idantuwa daga lokaci a cikin biyayya ga Allah, kodai da zunubi da uƙuba saboda shagaltuwar lokacin da saɓon Allah.
3. Wannan tsoratarwar idan wannan rafkanar da abubuwan da aka halatta ne, to ta yaya da wuraren zaman da aka haramta waɗanda a cikinsu akwai giba (yi da wani) da annamimanci da wasunsu?!

سنن أبي داود (7/ 221) (4855). بهجة الناظرين شرح رياض الصالحين، لسليم الهلالي (2/ 120). نزهة المتقين شرح رياض الصالحين، لمجموعة من الباحثين (1/ 654).

Wasu daga talakawa cikin sahabbai sun kawo kukan halinsu da talaucinsu ga Annabi - tsira da amincin Allah su tabbata agare shi - da rashin sadakarsu da dukiyoyi dan su samu lada mai yawa kamar yadda 'yan uwansu masu dukiya da yawa suka samu kuma dan su aikata alheri kamar su; inda cewa su (masu Hali) suna yin sallah kamar yadda muke yin sallah, kuma suna azimi kamar yadda muke yin azimi, kuma suna yin sadaka da ragowar dukiyoyinsu, mu kuma ba ma yin sadaka! Sa Annabi - tsira da amincin Allah su tabbata agare shi - ya shiryar da su akan abinda suke da iko akansa na sadakoki, sai tsira da amincin Allah su tabbata agare shi ya ce: Shin yanzu Allah Bai zamo Ya sanya muku abinda zaku dinga sadaka da shi ba akan kanku?! domin cewa faɗinku: Subhanallah, (Tsarki ya tabbata ga Allah) zai zama ladan sadaka gareku, haka nan faɗin: Allahu Akbar, (Allah ne Mafi girma) sadaka ne, da faɗin: La’ilaha illallahu, (Babu abin bautawa da gaskiya sai Allah) sadaka ne, da (Horo da aikin alheri) sadaka ne, da (Hani daga abin ƙi) sadaka ne, kai a cikin jima'in ɗayanku ma ga matarsa sadaka ne. Sai suka yi mamaki, suka ce: Ya Manzon Allah, shin ɗayanmu zai zo wa sha'awarsa kuma ya zama a cikinta akwai lada?! Ya ce; Shin kuna ganin da ace ya sanyata a cikin haram na zina ko waninsa shin zai zama akansa akwai zunubi? to haka nan idan ya sanyata a cikin halal zai zama yana da lada.

1. Rige-rigen sahabbai akan aikata alheri, da kwaɗayinsu a cikin samun babban lada da falala daga wurin Allah - Maɗaukakin sarki -.
2. Yawan kofofin ayyukan alheri, kuma su suna ƙunsar dukkan aikin da musulmi ya tashi da shi da niyya ta gari da kuma kyakkyawar manufa.
3. Sauƙin Musulunci da rangwaminsa, kowane musulmi yana da abinda zai aikata shi dan ya bi Allah da shi.
4. Nawawi ya ce: A cikin wannan akwai dalili akan cewa abubuwan da aka halatta suna zama ayyukan biyayya da niyyoyi na gaskiya, jima'i yana zama ibada idan ya yi nufin biyan haƙƙin mata da shi, da kuma mu'amalantarta da aikin alheri wanda Allah - Maɗaukakin sarki - Ya yi umarni da shi, ko neman ɗa na gari, ko kare kansa ko kare matar da hanasu gaba ɗaya daga kallon haram, ko tinani a cikinsa, ko nufinsa, ko wanin haka daga manufofi na gari.
5. Buga misalai da ƙiyasi; dan ya zama ya fi bayyana kuma ya fi zama a cikin ran mai sauraro .

صحيح مسلم (2/ 697) (1006). بهجة الناظرين شرح رياض الصالحين، لسليم الهلالي (1/ 201). شرح رياض الصالحين، لابن عثيمين (2/ 161). كنوز رياض الصالحين، لمجموعة من الباحثين (3/ 31). نزهة المتقين شرح رياض الصالحين، لمجموعة من الباحثين (1/ 150).

Wani mutum ya kai ƙara wurin Manzon Allah - tsira da amincin Allah su tabbata agare shi - cewa nafilifilin ibadu sun yi masa yawa har ya gajiya daga yin su saboda rauninsa, sannan ya tambayi Annabi - tsira da amincin Allah su tabbata agare shi - ya shiryar da shi ga wani aiki mai sauki mai jawo lada mai yawa wanda zai rataya da shi ya yi riƙo da shi. Sai tsira da amincin Allah su tabbata agare shi ya nunar masa harshensa ya zama ɗanye mai motsawa saboda dawwamar ambatan Allah - tsarki ya tabbatar maSa Ya ɗaukaka - a kowane lokaci da hali; na tasbihi da tahmidi da istigafari da addu'a da makamancin hakan.

1. Falalar dawwama akan ambatan Allah - Maɗaukakin sarki -.
2. Daga girman falalar Allah (akwai) sawwaƙe sabubban lada.
3. Fifikon bayi a rabonsu na ƙofofin aikin lada da alheri.
4. Yawan ambatan Allah da harshe tasbihi da tahmidi da hailala da kabbara da wanin hakan, tare da dacewar zuciya yana tsayawa matsayin yawa da yawan nafilifilin ayyukan ɗa'a.
5. Lurarsa - tsira da amincin Allah su tabbata agare shi - ga masu tambaya da amsawa kowa da abinda ya dace da shi.

سنن الترمذي (5/ 388) (3375). سنن ابن ماجه (4/ 707) (3793). مسند أحمد (29/ 226) (17680). جامع العلوم والحكم في شرح خمسين حديثا من جوامع الكلم، لابن رجب الحنبلي (2/ 510). التحفة الربانية في شرح الأربعين حديثًا النووية، لإسماعيل الأنصاري (ص104). فتح القوي المتين في شرح الأربعين وتتمة الخمسين، للنووي وابن رجب (ص154). الأحاديث الأربعون النووية وعليها الشرح الموجز المفيد، لعبد الله بن صالح المحسن (ص93).

Annabi - tsira da amincin Allah su tabbata agare shi - yana umartar mutane da yawaita tuba da istigfari, kuma yana bada labari game da kansa cewa shi yana tuba zuwa ga Allah - Maɗaukakin sarki - kuma yana neman gafararSa a yini sama da sau ɗari, alhali haƙiƙa an gafarta masa abinda ya gabatar na zunubinsa da abinda ya jinkirta, a cikin hakan akwai cikar kankan da kai da bauta ga Allah - Maɗaukaki -.

1. Kowane mutum duk yadda matsayinsa da darajarsa suka kai a imani, to shi yana buƙatuwa zuwa komawa ga Allah - alherinSa ya yawaita kuma Ya ɗaukaka -, da cika kansa da tuba, kuma babu wanda ba ya wofinta daga kasawa a tsayuwa da haƙƙin Allah - alherinSa ya yawaita kuma Ya ɗaukaka -: (Ku tuba zuwa ga Allah gaba ɗaya yaku muminai).
2. Tuba a game daidai ne daga aikata abubuwan da aka haramta ne da zunubai ko daga kasawa ne a aikata wajibai.
3. Ikhlasi a cikin tuba sharaɗi ne akan karbar tuban, wanda ya bar wani zunubi ba dan Allah ba to ba ya kasancewa mai tuba.
4. AlNawawi ya ce: A kwai sharuɗɗa uku ga tuba: Ya bar aikata saɓo, kuma ya yi nadama akan aikata shi, kuma ya ƙudirci niyya a yanke cewa ba zai koma ba zuwa tamkarta ba har abada, idan saɓon yana rataye ne da ɗan Adam to yana da sharaɗi na huɗu, shi ne: Maida abinda aka zalinta zuwa ga mai shi, ko tabbatar da kuɓuta daga gare shi.
5. Faɗakarwa akan neman gafarar Annabi - tsira da amincin Allah su tabbata agare shi - ba ya lazimtar cewa ya kasance dan wasu zunuban da ya aikata su ne, sai dai hakan dan cikar ubudiyyarsa ne da kuma danfaruwa da ambatanSa - tsarki ya tabbatar maSa - da jinsa girman haƙƙin Allah - Maɗaukakin sarki - da kasawar bawa duk aikin da ya aikata a godiyar ni'imominSa, hakan yana daga babin shara'antawa ga al'umma a bayansa ne, zuwa wanin hakan daga hikimomi.

صحيح مسلم (4/ 2075) (2702). نزهة المتقين شرح رياض الصالحين، لمجموعة من الباحثين (1/ 33). شرح رياض الصالحين، لابن عثيمين (1/ 97). بهجة الناظرين شرح رياض الصالحين، لسليم الهلالي (1/ 52).