Da a ce mutane suna sanin abinda ke cikin kiran sallah (na lada) da kuma sahu na farko sannan ba za su samu ba sai idan sun yi ƙuri'a a kansa da sun yi ƙuri'a
Annabi - tsira da amincin Allah su tabbata agare shi - ya bada labarin cewa mutane da a ce suna sanin abinda ke cikin kiran sallah da sahun farko na falala da alheri da albarka sannan ba za su samu damar samun shi ba sai sun yi ƙuri'a akan sa, waye a cikinsu ya fi cancanta akan ɗan uwansa ? da sun yi ƙuri'a, kuma da a ce suna sanin abinda ke cikin gaggawa zuwa sallah a farkon lokacinta da sun yi rigegeniya gareta, kuma da a ce suna sanin gwargwadan lada a zuwa sallar Issha'i da sallar Asuba da zuwa gare su ya yi sauƙi koda da jan ciki ne akan gwiwowi kamar yadda yaro yake tafiya a farkon al'amarinsa.
- Bayanin falalar kiran sallah.
- Bayanin falalar sahun farko, da kuma kusanci ga liman.
- Bayanin falalar gaggawa zuwa sallah a farkon lokacinta da akafi so; dan abinda ke cikinsa na falala mai girma, da kuma abinda ke biye da shi na fa'idoji, daga cikinsu akwai: Riskar sahun farko, da riskar sallah a farkon lokacinta, da yin nafila, da karatun AlƘur'ani, da samun istigfarin mala'iku gare shi, kuma cewa shi ba zai gushe ba acikin sallah muddin dai ya jiran sallah, da wanin hakan.
- Kwaɗaitarwa mai girma akan halartar jam’i na waɗannan sallolin biyu, da falala mai yawa a cikin hakan dan abinda ke cikinsu na wahala akan rai na gurɓata farkon baccinta da kuma ƙarshensa, saboda haka ne suka zama mafi nauyin sallah akan munafukai.
- Nawawi ya ce: A cikinsa akwai tabbatar da ƙuri'a a cikin haƙƙoƙin da mutane suke cunkoso a kansu kuma suke jayya a cikinsu.
- Sahun farko ya fi na uku, na uku yafi na huɗu, da dai sauransu.
صحيح البخاري (1/ 126) (615). صحيح مسلم (1/ 325) (437). النهاية في غريب الحديث والأثر (1000) (185). البحر المحيط الثجاج في شرح صحيح الإمام مسلم بن الحجاج (10/ 267).