ƊABI'U IRIN NA (ANNABI) MUHAMMAD

(Annabi) tsira da amincin Allah su tabbata aagre shi ya kasance idan zai yi atishawa: Da farko: Yana ɗora hannunsa, ko tufafinsa akan bakinsa; dan kada wani abu da zai cutar da abokin zamansa ya fita daga bakinsa ko hancinsa. Na biyu: Yana ƙanƙar da muryarsa ba ya ɗaga ta.

1. Bayanin shiriyarsa - tsira da amincin Allah su tabbata agare shi - a atishawa, da kuma koyi da shi a hakan.
2. An so (mai atishawa ya) ɗora tufafi ko hankici da makancinsa akan bakinsa da hancinsa idan zai yi atishawa, domin kada wani abinda zai cutar da abokin zamansa ya fito daga gare shi.
3. Kanƙar da murya a atishawa abin so ne, hakan yana daga cikar ladabi, da kuma kyawawan ɗabi'u.

سنن أبي داود (7/ 375) (5029). سنن الترمذي (4/ 461) (2745). مسند أحمد (15/ 412) 9662). شرح رياض الصالحين، لابن عثيمين (4/ 440). تطريز رياض الصالحين، لفيصل آل مبارك (ص528). بهجة الناظرين، لسليم الهلالي (2/ 149). نزهة المتقين شرح رياض الصالحين، لمجموعة من الباحثين (1/ 678). كنوز رياض الصالحين لمجموعة من الباحثين (11/ 432).

Annabi - tsira da amincin Allah su tabbata agare shi - ya bada labarin cewa shi da ba dan tsoron wahala ga muminai daga al'ummarsa ba da ya wajabta musu yin anfani da asuwaki tare da kowace sallah.

1. Tausayin Annabi - tsira da amincin Allah su tabbata agare shi - ga al'ummarsa, da kuma tsoron wahala akansu.
2. Asali a umarnin Annabi - tsira da amincin Allah su tabbata agare shi - (shi ne) wajabci, sai dai inda dalili ya tsayu akan cewa shi nafila ne.
3. An so yin asuwaki da kuma (bayanin) falalarsa a yayin kowace sallah.
4. Ibnu Daƙiƙul id ya ce: Hikima a mustahabbacin asuwaki a yayin tashi zuwa sallah (shi ne) kasancewarta halin neman kusanci ne zuwa ga Allah, sai ya hukunta ka zama a halin cika da tsafta dan bayyanar da ɗaukakar ibada.
5. Gamewar hadisin ya ƙunshi asuwaki ga mai azimi koda bayan zawali ne, kamar salloli biyu: Azahar da la'asar.

صحيح مسلم (1/ 220) (252). صحيح البخاري (2/ 4) (887). تيسير العلام شرح عمدة الأحكام، لعبد الله البسام (ص46). تنبيه الأفهام شرح عمدة الأحكام، لابن عثيمين (1/ 50).

Daga sunnar Annabi - tsira da amincin Allah su tabbata agare shi - cewa shi idan ya yi sallar Asuba sai ya zauna a wurin sallarsa har sai rana ta ɓullo a ɗage, kuma ya kasance ba ya tashi daga wurin sallarsa inda yakeyin sallar Asuba a ciknsa har sai rana ta ɓullo. Idan rana ta ɓullo sai ya tashi, kuma sun kasance suna tattaunawa sai su fara hira akan ambatan wasu daga cikin al'amuransu kafin Musulunci alhali shi ya yi shiru, sai su yi dariya wani lokaci kuma ya yi murmushi tare da su.

1. An so yin zikiri bayan (sallar) Asuba har sai rana ta ɓullo, da kuma lazimtar wurin zaman sallar in babu wani uzuri.
2. Bayanin abin da Annabi - tsira da amincin Allah su tabbata agare shi - yake a kansa na kyawawan dabi’u da tattausan lamari, inda ya kasance yana zama tare da sahabbansa, yana sauraran zancensu da hikayoyinsu kuma yana yin murmushi tare da su.
3. Halaccin yin hira da ambatan kwanukan Jahiliyya a cikin masallaci.
4. Halaccin dariya da murmushi; domin cewa abin da aka hana shine yawan dariya.

صحيح مسلم (1/ 464) (670). البحر المحيط الثجاج في شرح صحيح الإمام مسلم بن الحجاج (14/ 407). المفهم لما أشكل من تلخيص كتاب مسلم (2/ 296).