HUKUNCE-HUKUNCEN TA'AZIRI (JAN KUNNE)

Annabi - tsira da amincin Allah su tabbata agare shi - ya yi hani a yi wa wani bulala sama da bulala goma sai dai a cikin saɓo, ba wai ana nufin cewa abinda ya zo a cikinsa na iyakance adadi daga mai shara'antawa na bulala ko duka ko uƙuba keɓantacciya ba, abin nufi ba'a yin ƙari a cikin bulalar ladabtarwa akan bulala goma, kamar yi wa mata bulala ko ɗa.

1. Dokokin Allah - Maɗaukakin sarki - waɗanda Ya yi umarni da su ko kuma ya yi hani daga barinsu suna da uƙubobi waɗanda suke tsawatarwa daga gare su, kodai ababen ƙaddarawa ne daga mai shara'antawa, ko kuma a koma zuwa ga maslahar da shugaba yake ganin ta dace a cikin ƙaddarawarsu.
2. Ladabtarwa tana kasancewa mai sauƙi gwargwadan fadakarwa da kuma tsoratarwa, saboda haka ba'a ƙari a cikinsa akan bulala goma idan an buƙatu ga hakan, abinda ya fi ladabtar da su ba tare da duka ba, kai da nusarwa, da kuma koyarwa, da shiryarwa, da kwaɗaitarwa, to ya fi sa karɓuwa da kuma sassautawa a cikin koyarwa, halaye a wannan matsayar suna saɓawa da yawa, to yana kamata a aikata abinda ya fi maslaha.

صحيح البخاري (8/ 174) (6850). صحيح مسلم (3/ 1332) (1708). تيسير العلام شرح عمدة الأحكام، للبسام (ص677). توضيح الأحكام مِن بلوغ المرام، لعبد الله البسام (5/ 465).

Annabi - tsira da amincin Allah su tabbata agare shi - ya bayyana narko mai tsanani da cewa Allah ba Ya duba duban rahama zuwa namijin da ya zo wa namiji ta duburarsa ko mace ta duburarta, kuma hakan laifi ne babba daga cikin manyan laifuka.

1. Zakkewa namiji ga namiji - shi ne liwaɗi - yana daga manyan zunubai.
2. Zakkewa mace ta duburarta yana daga manyan zunubai.
3. (Allah ba Ya duba) wato duba na rahama da tausayi, ba ana nufi da shi cewa: Duba gamamme ba; domin Allah - tsarki ya tabbatar maSa Ya ɗaukaka - wani abu ba ya ɓoyuwa gare Shi kuma wani abu ba ya fakuwa daga ganinSa.
4. Waɗannan ayyukan suna daga manyan (ayyukan) alfasha kuma mafi haɗarinsu akan mutuntaka; dan abinda ke cikinsu na saɓawa nagartacciyar ɗabi'a ta mutuntaka, da ƙarancin zuriya, da ɓa ta rayuwar auratayya, da dasa ƙiyayya da gaba, da afkawa a wuraren ƙazanta.

سنن الترمذي (2/ 457) (1165). السنن الكبرى للنسائي (8/ 197) (8952). توضِيحُ الأحكَامِ مِن بُلوُغ المَرَام، للبسام (5/ 347). فتح ذي الجلال والإكرام بشرح بلوغ المرام، لابن عثيمين (4/ 536). تحفة الأحوذي بشرح جامع الترمذي، للمباركفوري (4/ 276).