Ki zauna gwargwadan abinda hailarki take riƙe ki, sannan ki yi wanka

Daya daga cikin sahabbai mata ta kawo koken zubar jini (jinin Istihara) zuwa ga Annabi - tsira da amincin Allah su tabbata agare shi - da take fama da shi, sai ya umarceta ta dakatar da sallah gwargwadan abinda hailarta take tsareta kafin zuubar wannan al'amarin da ya faru da ita, sannan ta yi wanka ta yi sallah, ta kasance tana wanka dan neman lada a kowacce sallah.

1. Jinin cuta (Wato jinin istihala) shi ne: Fitar jini ya zarce ga mace bayan kwanukan hailarta data saba.
2. Mai jinin cuta tana daukar kanta mai haila gwargwadan kwanukan da haila taka zo mata a cikinsu, kafin abinda ya sameta ya sameta na jinin cuta.
3. Idan gwargwadan kwanukan al'adarta na asali suka shude, to ita ana daukarta mai tsarki daga al’ada - koda cewa jinin cuta yana tare da ita - sai ta yi wankan daukewar jinin al’ada.
4. Mai jinin cuta wanka ba ya wajaba akanta a kowacce sallah; domin wankanta - Allah Ya yarda da ita - ya kasance da ijtihadi ne daga gareta, da a ce ya kasance wajibi ne da Annabi - tsira da amincin Allah su tabbata agare shi - ya bayyana mata shi.
5. Alwala tana wajaba akan Mai jinin cuta a kowacce sallah; domin hadasinta madawwami ne ba mai yankewa ba ne, misalinta dukkan wanda karinsa madawwami ne kamar wanda a tare da shi akwai yoyon fitsari, ko fitar tusa mai a koyaushe.
6. Tambayar ma'abota ilimi daga abinda yake rikitarwa a al'amuran Addini, yayin da wannan matar ta kawo kuka ga Annabi - tsira da amincin Allah su tabbata agare shi -, ta tambaye shi game da yawan jinin da yake samunta.

صحيح مسلم (1/ 264) (334). توضيح الأحكام، للبسام (1/ 447). شرح النووي على مسلم، (4/ 25). فتح ذي الجلال والإكرام بشرح بلوغ المرام، لابن عثيمين (1/ 390).