Annabi - tsira da amincin Allah su tabbata agare shi - ya bada labarin cewa duniya da abinda ke cikinta abin ƙine a wurin Allah abin zargi abin bari abin nisantarwa, kuma abinda ke cikinta abin bari ne ba abin yabo bane; dan kasancewarta da dukkan abinda ke cikinta yana shagaltarwa daga barin Allah, kuma yana nisantarwa daga gare shi, saidai ambatan Allah da abinda ya kusance shi ya zama yana da jinsi da shi, cikin abinda Allah Ya so shi, ko masanin ilimi na shari'a wanda yake koyar da mutane, ko mai neman ilimin shari'a ɗin.
- La'antar duniya ba ta halatta kai tsaye; dan zuwan hadisan da suke hani daga hakan, saidai la'antar abinda ke nisantarwa daga Allah - Maɗaukakin sarki - a cikinta kuma yake shagaltarwa daga biyayyrSa to yana halatta.
- Dukkan abinda ke cikin duniya to wasa ne kuma shagala ne sai ambatan Allah da abinda yake sababi kuma mai taimako a cikin hakan.
- Bayanin falalar ilimi da ma'abotansa da kuma ɗalibansa.
- Ibnu Taimiyya ya ce: Kaɗai ana zargin haramun ne bata fuskarsa ba, ko halal ta hanyar neman yawaitawa da alfahari, da abinda ake riƙa dan nufin fariya da gasa, to wannan shi ne wanda yake abin ƙi gurin masu hankali.
سنن الترمذي (4/ 151) (2322). سنن ابن ماجه (5/ 231) (4112). بهجة الناظرين شرح رياض الصالحين، لسليم الهلالي (1/ 542). نزهة المتقين شرح رياض الصالحين، لمجموعة من الباحثين (1/ 424). كنوز رياض الصالحين، لمجموعة من الباحثين (7/ 325). شرح رياض الصالحين، لابن عثيمين (3/ 374).