Annabi - tsira da amincin Allah su tabbata agare shi - ya bada labarin cewa babu wata rayuwa ta haƙiƙa sai rayuwar lahira, a cikin yardar Allah da rahamarSa da kuma aljannarSa; domin rayuwar duniya mai gushewa ce, rayuwar lahira kuwa ita ce dawwamammiya mai wanzuwa, sannan Annabi - tsira da amincin Allah su tabbata agare shi - ya yi addu'ar gafara da girmamawa da gyaruwa ga mutanen Madina waɗanda suka kawo ɗauki ga Annabi - tsira da amincin Allah su tabbata agare shi - da Muhajirun, suka taimakesu, suka raba musu dukiyoyinsu, kuma (ya yi addu'a) ga Muhajirun waɗanda suka bar gidajensu da dukiyoyinsu suna neman falala daga Allah da kuma yarda.
- Gudun duniyarsa - tsira da amincin Allah su tabbata agare shi - a duniya da kuma fuskantowarsa ga lahira.
- Gargaɗawar Annabi - tsira da amincin Allah su tabbata agare shi - ga al'ummarsa a jin daɗin rayuwar duniya mai gushewa.
- Bayanin darajar Muhajirai da Ansar, inda suka rabauta da addu'ar Annabi - tsira da amincin Allah su tabbata agareshi - garesu da gafara.
- Kada bawa ya yi farin ciki da abinda yake samu na duniya, ita mai saurin gushewa ce tare da abinda ke cikinta na gurɓacewa, kaɗai gidan tabbata shi ne gidan lahira.
صحيح البخاري (8/ 88) (6413). صحيح مسلم (3/ 1431) (1805). مرقاة المفاتيح، لعلي القاري (7/ 3016). فتح الباري شرح صحيح البخاري، لابن حجر (11/ 231). شرح رياض الصالحين، لابن عثيمين (3/ 362). كنوز رياض الصالحين، لمجموعة من الباحثين (7/ 223). بهجة الناظرين شرح رياض الصالحين، لسليم الهلالي (1/ 529). نزهة المتقين شرح رياض الصالحين، لمجموعة من الباحثين (1/ 412).