عَنْ أَبِي هُرَيْرَةَ رَضيَ اللهُ عنهُ أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ: «بَيْنَمَا رَجُلٌ يَمْشِي بِطَرِيقٍ وَجَدَ غُصْنَ شَوْكٍ عَلَى الطَّرِيقِ فَأَخَّرَهُ، فَشَكَرَ اللَّهُ لَهُ فَغَفَرَ لَهُ».
Daga Abu Huraira - Allah Ya yarda da shi -: Lallai cewa Manzon Allah - tsira da amincin Allah su tabbata agare shi - ya ce: "Wata rana wani mutum yana tafiya a wata hanya, sai ya samu reshen wata ƙaya a kan hanyar, sai ya kawar da shi, sai Allah Ya yaba masa Ya kuma gafarta masa".
Bukhari da Muslim ne suka rawaito shiDarajaIngantacce ne
Sharhi
Annabi - tsira da amincin Allah su tabbata agare shi - ya bada labarin cewa wata rana wani mutum yana tafiya sai ya wuce wani reshen bishiya a cikinsa akwai ƙayar da take cutar da musulmai, sai ya kawar da ita daga hanyar, sai Allah Ya yaba masa kuma Ya gafarta masa.
Fa’idoji
- Falalar gusar da cuta akan hanya, kuma hakan sababi ne na (samun) gafarar Allah.
- Rashin wulaƙantar da ayyukan alheri koda sun kasance kaɗan ne.
- Musulunci addini ne na tsafta da kare yanayi da aminci na gaba daya.
Madogara
صحيح البخاري (1/ 132) (652). صحيح مسلم (3/ 1521) (1914). نزهة المتقين شرح رياض الصالحين، لمجموعة من الباحثين (1/ 156). شرح رياض الصالحين، لابن عثيمين (2/ 175). بهجة الناظرين شرح رياض الصالحين، لسليم الهلالي (1/ 207).