Wanda ya reni 'yan mata biyu har suka balaga zai zo ranar alƙiyama ni da shi" sai ya dunƙule yatsunsa

Annabi - tsira da amincin Allah su tabbata agare shi - ya bada labarin cewa wanda aka azirta shi da 'yan mata biyu ko 'yan uwa mata biyu sai ya tsaya da ɗawainiya da tarbiyya da nusarwa ga alheri da gargaɗarwa daga sharri da makamancin hakan har suka girma suka balaga; zai zo ranar alƙiyama shi da Annabi - tsira da amincin Allah su tabbata agare shi - kamar waɗannan biyun, kuma sai ya haɗa yatsunsa biyu manuniya da na tsakiya.

1. Sakamako mai girma ga wanda ya tsaya da kulawa da tarbiyyar 'yan mata har suka yi aure ko suka balaga, haka nan 'yan uwa mata.
2. Ladan tsayuwa ga (tarbiyyar) 'ya'ya mata shi ne mafi girma daga ladan tsayuwa akan (tarbiyyar) 'ya'ya maza; dan ba'a ambaci hakan a haƙƙinsu ba; hakan saboda cewa ɗawainiyar 'ya'ya mata da himmatuwa da al'amuransu shi ne mafi girma daga al'amuran 'ya'ya maza; domin cewa su al'aura ne ba zai taɓa al'amuransu ba, kuma ba zasu yi tasarrufi irin tasarrufin 'ya'ya maza ba, haka nan domin uba ba ya kwaɗayin wani agaji da zasu kawo akan maƙiya, da rayar da sunansa, da sadar da nasabarsa, da makancin hakan, kamar yadda yake faruwa ga maza namiji; sai aka buƙaci haƙuri da ikhlasi a cikin hakan daga wanda yake ciyar da su tare da kyakkyawar niyya; sai ladan ya girmama, sai ya zama abokin zaman Annabi - tsira da amincin Allah su tabbata agare shi - a ranar alƙiyama.
3. Alamomin balagar mace: Cikar shekara goma sha biyar, ko ta yi al’ada kafin shekara goma sha biyar, ko kuma gashin mara ya tsiro mata shi ne gashi mai kauri a gefen gaba, ko ta yi mafarki wanda shi ne fitar maniyyi a cikin mafarki.
4. Al-Kurɗubi ya ce: Yana nufi da balagarsu (wato) sukai lokacin da zasu tsayu da kansu; hakan kawai yana kasancewa ne a mata har zuwa lokacin da mazajensu zasu yi dukhuli da su, ba ya nufi da hakan isarsu zuwa lokacin da zasu yi al’ada sun balaga ba; dan zata iya yin aure kafin hakan sai ta wadatu da miji daga tsayuwar mai kulawa, kuma zata iya yin al’ada alhali ita ba ta tsayu da kanta ba da wani abu daga maslahohinta (wanda) da za'a barta da ta tozarta kuma halayenta sun ɓaci, kai ita a wannan halin ita ce mafi cancanta da tsari da kiyayewa da kuma tsayuwa akanta dan tsarinta ya cika sai a yi kwaɗayin auranta, saboda wannan ma'anar ne malumammu suka ce ciyarwa ba ta saraya daga mahaifin karamar yarinya da balgarta kai (tana saraya ne) da yin dukhulin miji da ita.

صحيح مسلم (4/ 2027) (2631). بهجة الناظرين شرح رياض الصالحين، لسليم الهلالي (1/ 352). تطريز رياض الصالحين، لفيصل آل مبارك (ص198). كنوز رياض الصالحين، لمجموعة من الباحثين (5/ 144). شرح رياض الصالحين، لابن عثيمين (3/ 105). نزهة المتقين شرح رياض الصالحين، لمجموعة من الباحثين (1/ 276).