At-Tawba
Bu, as-Saʿdī’nin tefsirinin, IslamHouse.com’un saadi.islamenc.com adresinde yayımladığı hâliyle bir çevirisidir; o sitenin sayfalarından okunmuştur. Site, kimin çevirdiğini ya da hangi basılı neşri izlediğini söylemez ve metnini almak için hiçbir şart belirtmez; bu yüzden bunu gösterme hakkı doğrulanmamıştır. Kimse bunu basılı bir kitapla karşılaştırmadı ve hiçbir âlim gözden geçirmedi. Her bölüm, yorumladığı âyetlerin yanında durur; bu âyetler Tanzil’in Kur’ân metnidir, orada olduğu gibi gösterilir; sitenin kendine ait bir yorum vermediği bir âyet kendisinden önceki bölümle birlikte durur ve dizin böyle her âyeti adıyla anar. Sabīl bunun hiçbirini yazmamış ve çevirmemiştir.
Metin kaynağı:saadi.islamenc.comIslamHouse.comnone stated (the site names no licence and no terms for taking its text)2026-10-22 tarihinde alındı
فَرِحَ ٱلْمُخَلَّفُونَ بِمَقْعَدِهِمْ خِلَـٰفَ رَسُولِ ٱللَّهِ وَكَرِهُوٓا۟ أَن يُجَـٰهِدُوا۟ بِأَمْوَٰلِهِمْ وَأَنفُسِهِمْ فِى سَبِيلِ ٱللَّهِ وَقَالُوا۟ لَا تَنفِرُوا۟ فِى ٱلْحَرِّ ۗ قُلْ نَارُ جَهَنَّمَ أَشَدُّ حَرًّا ۚ لَّوْ كَانُوا۟ يَفْقَهُونَ 81
{81} Yeye Mtukufu anasema akibainisha kujifahiri kwa wanafiki kuhusu kusalia kwao nyuma na kutojali kwao hilo, jambo linaloashiria kutoamini kwao na kuchagua kwao ukafiri kuliko imani: "Walifurahi walioachwa nyuma kwa kule kukaa kwao nyuma ya Mtume wa Mwenyezi Mungu" na hiki ni kiasi cha ziada juu ya kusalia nyuma tu. Kwani, huku ni kusalia nyuma kulikoharamishwa na kuongezea kuridhia kutenda maasia na kujifahirisha juu yake. "Na wakachukia kupigana Jihadi kwa mali zao na nafsi zao katika njia ya Mwenyezi Mungu." Na haya ni kinyume na Waumini ambao wakisalia nyuma hata kwa sababu ya udhuru, walihuzunika huzuni mkubwa sana, na wanapenda kwamba wafanye jihadi kwa mali zao na nafsi zao katika njia ya Mwenyezi Mungu, kwa sababu ya imani iliyo ndani ya mioyo yao, na wanatarajia katika fadhila za Mwenyezi Mungu, na ihsani yake, haki, na wema wake, na neema yake. "Na wakasema;" yaani,wanafiki: "Msitoke kwenda katika joto! " Yaani walisema, hakika kutoka kwenda ni kugumu juu yetu kwa sababu ya joto. Kwa hivyo wakatanguliza raha fupi ya kwisha kuliko raha ya milele kamilifu, na wakatahadharisha dhidi ya joto ambalo linakingwa na vivuli na linaodoshwa na kuingia kwa asubuhi na jioni badala ya joto kali ambalo haliwezi kupimwa kiwango chake. Nao ni Moto uwakao vikali, na ndiyo maana akasema, "Sema: Moto wa Jahannamu una joto kubwa zaidi, laiti wangelikuwa wanafahamu!"