Al-An'aam
Bu, as-Saʿdī’nin tefsirinin, IslamHouse.com’un saadi.islamenc.com adresinde yayımladığı hâliyle bir çevirisidir; o sitenin sayfalarından okunmuştur. Site, kimin çevirdiğini ya da hangi basılı neşri izlediğini söylemez ve metnini almak için hiçbir şart belirtmez; bu yüzden bunu gösterme hakkı doğrulanmamıştır. Kimse bunu basılı bir kitapla karşılaştırmadı ve hiçbir âlim gözden geçirmedi. Her bölüm, yorumladığı âyetlerin yanında durur; bu âyetler Tanzil’in Kur’ân metnidir, orada olduğu gibi gösterilir; sitenin kendine ait bir yorum vermediği bir âyet kendisinden önceki bölümle birlikte durur ve dizin böyle her âyeti adıyla anar. Sabīl bunun hiçbirini yazmamış ve çevirmemiştir.
Metin kaynağı:saadi.islamenc.comIslamHouse.comnone stated (the site names no licence and no terms for taking its text)2026-10-22 tarihinde alındı
بَدِيعُ ٱلسَّمَـٰوَٰتِ وَٱلْأَرْضِ ۖ أَنَّىٰ يَكُونُ لَهُۥ وَلَدٌ وَلَمْ تَكُن لَّهُۥ صَـٰحِبَةٌ ۖ وَخَلَقَ كُلَّ شَىْءٍ ۖ وَهُوَ بِكُلِّ شَىْءٍ عَلِيمٌ 101
{101} "Yeye ndiye Muumbaji mwanzilishi wa mbingu na ardhi;" yaani, Muumba wa viwili hivyo, aliyeviunda vyema bila ya mfano wa kabla, kwa uumbaji mzuri zaidi na mpangilio, na uzuri, ambao akili za watu wenye akili timamu haziwezi kupendekeza chochote mfano wake, na wala hana mshirika yeyote katika kuumba kwa viwili hivyo. "Vipi awe na mwana, ilhali hakuwa na mke?" Yaani, vipi Mwenyezi Mungu atakuwa na mwana na ilhali Yeye ndiye Mungu, bwana mkusudiwa na wote ambaye hana mke? Naye hawahitaji viumbe wake, nao wote wanamhitaji Yeye, wanalazimika kutafuta msaada wake katika hali zao zote. Na mwana ni lazima awe kutoka katika aina moja na baba yake, na Mwenyezi Mungu ndiye Muumba wa kila kitu, na hakuna chochote katika kiumbe kinachofanana na mwenyezi Mungu kwa njia yoyote ile. Na alipotaja ujumla wa kuumba kwake vitu, Akataja elimu yake kuvienea. Kwa hivyo akasema, "Naye ndiye aliyeumba kila kitu. Naye ni Mwenye kujua vyema kila kitu." Na katika kuitaja elimu baada ya kuumba kuna ishara kwa ushahidi wa kiakili juu ya kuthibiti kwa elimu yake, nayo ni viumbe hivi na yale vinavyojumuisha ya mpangilio kamili, na uumbaji wa kimaajabu. Kwani katika hilo kuna ushahidi juu ya upana wa elimu ya Muumba wake, na ukamilifu wa hekima Yake. Kama alivyosema Yeye Mtukufu, "Kwa hajui yule aliyeumba, ilhali Yeye ndiye Mjua siri, Mwenye habari zote?" Na kama alivyosema Yeye Mtukufu, "Naye ndiye Muumbaji Mkuu, Mwenye kujua yote."