Al-An'aam
Bu, as-Saʿdī’nin tefsirinin, IslamHouse.com’un saadi.islamenc.com adresinde yayımladığı hâliyle bir çevirisidir; o sitenin sayfalarından okunmuştur. Site, kimin çevirdiğini ya da hangi basılı neşri izlediğini söylemez ve metnini almak için hiçbir şart belirtmez; bu yüzden bunu gösterme hakkı doğrulanmamıştır. Kimse bunu basılı bir kitapla karşılaştırmadı ve hiçbir âlim gözden geçirmedi. Her bölüm, yorumladığı âyetlerin yanında durur; bu âyetler Tanzil’in Kur’ân metnidir, orada olduğu gibi gösterilir; sitenin kendine ait bir yorum vermediği bir âyet kendisinden önceki bölümle birlikte durur ve dizin böyle her âyeti adıyla anar. Sabīl bunun hiçbirini yazmamış ve çevirmemiştir.
Metin kaynağı:saadi.islamenc.comIslamHouse.comnone stated (the site names no licence and no terms for taking its text)2026-10-22 tarihinde alındı
وَجَعَلُوا۟ لِلَّهِ شُرَكَآءَ ٱلْجِنَّ وَخَلَقَهُمْ ۖ وَخَرَقُوا۟ لَهُۥ بَنِينَ وَبَنَـٰتٍۭ بِغَيْرِ عِلْمٍ ۚ سُبْحَـٰنَهُۥ وَتَعَـٰلَىٰ عَمَّا يَصِفُونَ 100
{100} Yeye Mtukufu anajulisha kwamba pamoja na ihsani yake kwa waja Wake, na kuwajulisha kwake Ishara Zake zilizo wazi na hoja zake zilizo wazi, kwamba wale wanaoshirikisha katika Maquraishi na wengineo walimfanyia Yeye washirika wanaowaomba na kuwaabudu miongoni mwa majini na Malaika, ambao ni viumbe miongoni mwa viumbe wa Mwenyezi Mungu, na ambao hawana sifa yoyote ya umola wala uungu. Lakini wao wakawafanya kuwa washirika kwa Yule aliye na uumbaji na amri, na Yeye ndiye anayeneemesha kwa kila aina ya neema, Mwenye kuzuia adhabu zote. Na tena washirikina walisingizia uongo na wakazua wao wenyewe kuwa Mwenyezi Mungu ana wana wa kiume na wana wa kike bila ya wao kuwa na elimu juu ya hilo. Na ni nani dhalimu zaidi kuliko yule anayemsingizia Mwenyezi Mungu bila ya kuwa na elimu, na akamzulia upungufu mbaya zaidi ambao ni lazima Mwenyezi Mungu atakaswe kutokana nao? Na kwa sababu hii, akajitakasa Mwenyewe kutokana na yale waliyomzulia washirikina, kwa hivyo akasema; "Yeye Ametakasika, na ametukuka juu ya hayo wanayomsifu kwayo!" Kwa maana Yeye Ametukuka huyo anayesifiwa kwa kila ukamilifu, na ametakasika kutokana na kila upungufu, na kasoro, na dosari.