Fussilat
Bu, as-Saʿdī’nin tefsirinin, IslamHouse.com’un saadi.islamenc.com adresinde yayımladığı hâliyle bir çevirisidir; o sitenin sayfalarından okunmuştur. Site, kimin çevirdiğini ya da hangi basılı neşri izlediğini söylemez ve metnini almak için hiçbir şart belirtmez; bu yüzden bunu gösterme hakkı doğrulanmamıştır. Kimse bunu basılı bir kitapla karşılaştırmadı ve hiçbir âlim gözden geçirmedi. Her bölüm, yorumladığı âyetlerin yanında durur; bu âyetler Tanzil’in Kur’ân metnidir, orada olduğu gibi gösterilir; sitenin kendine ait bir yorum vermediği bir âyet kendisinden önceki bölümle birlikte durur ve dizin böyle her âyeti adıyla anar. Sabīl bunun hiçbirini yazmamış ve çevirmemiştir.
Metin kaynağı:saadi.islamenc.comIslamHouse.comnone stated (the site names no licence and no terms for taking its text)2026-10-22 tarihinde alındı
وَقَالَ ٱلَّذِينَ كَفَرُوا۟ لَا تَسْمَعُوا۟ لِهَـٰذَا ٱلْقُرْءَانِ وَٱلْغَوْا۟ فِيهِ لَعَلَّكُمْ تَغْلِبُونَ 26
{26} Mwenyezi Mungu Mtukufu anajulisha namna makafiri walivyoipa mgongo Qur-ani na kuhusiana kufanya hivyo. Akasema: "Na wale waliokufuru walisema: 'Msiisikilize Qur-ani hii,'" yaani msiipe masikio yenu, na jihadharini kuisikiliza au kumsikiliza yule aliyekuja nayo. Na ikitokea kwa bahati mbaya kwamba mmeisikia au mmemsikia Muhammad akilingania hukumu zake, semeni kuhusiana nayo maneno yasiyo na manufaa yoyote, na hata yenye madhara, na wala msimuwezeshe mtu yeyote kwa uwezo wenu kuyazungumza maneno yake na kusoma lafudhi zake na maana zake. Hayo ndiyo maneno yao na vitendo vyao vya kuipa mgongo Qur-ani hii. "Huenda" mkifanya hivyo "mtashinda." Huu ni ushahidi kutoka kwa maadui, na haki iliyo wazi kabisa ni kile walichokishuhudia maadui. Kwani hawakuhukumu kuwa walimshinda yule aliyekuja na haki isipokuwa katika hali yao ya kumpa mgongo na kuusiana kufanya hivyo. Na maana yake ya kinyume ni kwamba ikiwa hawataweza kuitimulia zogo, bali waliisikiliza na kuipa akili zao, basi hawataweza kushinda. Kwani haki ni yenye kushinda na wala haishindwi. Hili wanalijua vyema walio kwenye haki na maadui zake.