Al-Israa
Bu, as-Saʿdī’nin tefsirinin, IslamHouse.com’un saadi.islamenc.com adresinde yayımladığı hâliyle bir çevirisidir; o sitenin sayfalarından okunmuştur. Site, kimin çevirdiğini ya da hangi basılı neşri izlediğini söylemez ve metnini almak için hiçbir şart belirtmez; bu yüzden bunu gösterme hakkı doğrulanmamıştır. Kimse bunu basılı bir kitapla karşılaştırmadı ve hiçbir âlim gözden geçirmedi. Her bölüm, yorumladığı âyetlerin yanında durur; bu âyetler Tanzil’in Kur’ân metnidir, orada olduğu gibi gösterilir; sitenin kendine ait bir yorum vermediği bir âyet kendisinden önceki bölümle birlikte durur ve dizin böyle her âyeti adıyla anar. Sabīl bunun hiçbirini yazmamış ve çevirmemiştir.
Metin kaynağı:saadi.islamenc.comIslamHouse.comnone stated (the site names no licence and no terms for taking its text)2026-10-22 tarihinde alındı
قُل لَّئِنِ ٱجْتَمَعَتِ ٱلْإِنسُ وَٱلْجِنُّ عَلَىٰٓ أَن يَأْتُوا۟ بِمِثْلِ هَـٰذَا ٱلْقُرْءَانِ لَا يَأْتُونَ بِمِثْلِهِۦ وَلَوْ كَانَ بَعْضُهُمْ لِبَعْضٍ ظَهِيرًا 88
{88} Na huu ni ushahidi wa uhakika na hoja ya wazi juu ya usahihi na ukweli wa yale aliyoyaleta Mtume, ambapo Mwenyezi Mungu aliwapa changamoto wanadamu na majini walete kitu mfano wake, na akawaambia kwamba hawatatoa mfano wake, hata kama wangesaidiana wote katika kufanya hivyo, basi hawangeweza kufanya hivyo, na kweli ikawa kama Mwenyezi Mungu alivyojulisha. Kwani sababu za maadui zake wanaomkadhibisha zilipatikana ili kukanusha kwa njia yoyote ile yale aliyoyaleta, nao ni watu wa lugha hiyo wenye ufasaha mkubwa. Na ikiwa wangekuwa wamejiandaa na uwezo mdogo zaidi wa kufanya hivyo, wangelifanya hivyo. Kwa hivyo ikajulikana kwa hilo kwamba walijisalimisha kabisa kwa hiari na kwa kutopenda, na wakashindwa kuipinga. Na vipi anaweza kiumbe kilichoumbwa kwa udongo, chenye upungufu kwa kila namna, kisicho na elimu, uwezo, wala utashi wala kupenda wala uwezo wa kuzungumza wala ukamilifu isipokuwa kutoka kwa Mola wake Mlezi kupinga maneno ya Mola Mlezi wa ardhi na mbingu, ambaye anajua kila kitu kilichofichika, ambaye ni wake ukamilifu wote, sifa njema zote, na utukufu mkubwa, ambaye, kama angeongeza juu yake bahari nyingine saba zikawa ni wino, nayo miti yote ikawa kalamu, basi wino huo ungeisha, na kalamu hizo zikaisha, na maneno ya Mwenyezi Mungu hayangeisha. Kwa hivyo, kama vile hakuna kiumbe chochote kinachofanana na Mwenyezi Mungu katika sifa zake, basi maneno yake ni katika sifa zake ambazo hakuna yeyote anayelingana naye katika hayo. Kwani hakuna kitu kama mfano wake katika dhati yake, majina yake, sifa zake, vitendo vyake, Yeye mwingi wa baraka, Mtukufu. Basi laana iwe juu ya mwenye kuchanganyikiwa kuhusiana na maneno ya Muumba na maneno ya viumbe, na akadai kuwa Muhammad - rehema na amani za Mwenyezi Mungu ziwe juu yake - alimzulia Mwenyezi Mungu uongo, na akayasema hayo yeye mwenyewe tu.