Al-Israa
Bu, as-Saʿdī’nin tefsirinin, IslamHouse.com’un saadi.islamenc.com adresinde yayımladığı hâliyle bir çevirisidir; o sitenin sayfalarından okunmuştur. Site, kimin çevirdiğini ya da hangi basılı neşri izlediğini söylemez ve metnini almak için hiçbir şart belirtmez; bu yüzden bunu gösterme hakkı doğrulanmamıştır. Kimse bunu basılı bir kitapla karşılaştırmadı ve hiçbir âlim gözden geçirmedi. Her bölüm, yorumladığı âyetlerin yanında durur; bu âyetler Tanzil’in Kur’ân metnidir, orada olduğu gibi gösterilir; sitenin kendine ait bir yorum vermediği bir âyet kendisinden önceki bölümle birlikte durur ve dizin böyle her âyeti adıyla anar. Sabīl bunun hiçbirini yazmamış ve çevirmemiştir.
Metin kaynağı:saadi.islamenc.comIslamHouse.comnone stated (the site names no licence and no terms for taking its text)2026-10-22 tarihinde alındı
قُلِ ٱدْعُوا۟ ٱلَّذِينَ زَعَمْتُم مِّن دُونِهِۦ فَلَا يَمْلِكُونَ كَشْفَ ٱلضُّرِّ عَنكُمْ وَلَا تَحْوِيلًا 56
{56} Mwenyezi Mungu aliyetukuka anasema, "Sema" kuwaambia wanaomshirikisha Mwenyezi Mungu, ambao walifanya wenza badala yake, wakawaabudu kama wanavyomuabudu Mwenyezi Mungu, na wanawaomba kama wanavyomuomba, huku akiwalazimisha kusahihisha wanayodai hayo, na waliyoyaitakidi ikiwa ni wakweli, "Waombeni hao mnaowadai" kuwa ni miungu badala yake Yeye, basi angalieni watawanufaisha au wanaweza kuwazuilia madhara yoyote? Hao, "Hawawezi kuwaondolea madhara" kama vile magonjwa, ufukara, ugumu na mfano wake. Hawawezi kuyazuia kabisa, wala hawana uwezo wa kuhamisha kutoka kwa mtu mmoja hadi kwa mwingine, au kutoka kwa ugumu moja hadi kwa kilicho kidogo zaidi yake. Basi ikiwa hii ndiyo sifa yao, kwa nini mnawaomba badala ya Mwenyezi Mungu? Kwani wao hawana ukamilifu wala kitendo chenye manufaa. Basi kuwafanya miungu ni upungufu katika dini na akili na ni upumbavu katika rai. Na katika yanayoshangaza ni kwamba upumbavu unapokuwa ndiyo ada, na ukazoewa, na ukachukuliwa kutoka kwa akina baba wapotovu, huonwa na mwenye kuwa na rai iliyo sawasawa na akili yenye manufaa, na anaona kuwa mumfanyie dini Mwenyezi Mungu tu, ambaye ni Mmoja tu, wa pekee, Mkamilifu, Mneemeshaji kwa neema zote za dhahiri na zilizofichikana kwamba ni upumbavu na jambo la kustaajabisha, kama walivyosema washirikina, "Amewafanya miungu wote kuwa ni Mungu Mmoja tu? Hakika hili ni jambo la ajabu."