Al-Maaida
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
مَّا ٱلْمَسِيحُ ٱبْنُ مَرْيَمَ إِلَّا رَسُولٌ قَدْ خَلَتْ مِن قَبْلِهِ ٱلرُّسُلُ وَأُمُّهُۥ صِدِّيقَةٌ ۖ كَانَا يَأْكُلَانِ ٱلطَّعَامَ ۗ ٱنظُرْ كَيْفَ نُبَيِّنُ لَهُمُ ٱلْـَٔايَـٰتِ ثُمَّ ٱنظُرْ أَنَّىٰ يُؤْفَكُونَ 75
{75} Kisha akataja uhakika wa Masihi na mama yake, ambako ni kutaja kwa haki, kwa hivyo akasema; "Masihi mwana wa Maryam si chochote isipokuwa ni Mtume;" yaani, hiki ndicho kikomo chake na mwisho wa jambo lake. Kwamba yeye ni miongoni mwa waja waliotumwa na Mwenyezi Mungu, ambao hawana chochote katika jambo hilo wala katika sheria isipokuwa yale aliyowatuma nayo Mwenyezi Mungu. Naye ni wa aina moja na Mitume waliomtangulia, wala hana sifa maalum kuwashinda yenye kumtoa nje ya ubinadamu hadi daraja ya umola. "Na mama yake" Maryamu ni "mkweli;" yaani, hiki pia ndicho kikomo chake, kwamba alikuwa miongoni mwa wakweli, ambao ndio wa daraja la juu kabisa katika viumbe baada ya Mitume. Na ukweli ni elimu yenye manufaa yenye kuleta yakini na matendo mema .Na huu ni ushahidi kuwa Maryamu hakuwa Nabii, lakini hali yake ya juu zaidi ilikuwa ya ukweli, na hilo linatosha kuwa fadhila na heshima. Na kadhalika, wanawake wengineo wote, hakuna aliyekuwa Nabii miongoni mwao. Kwa sababu Mwenyezi Mungu Mtukufu aliufanya unabii kuwa katika lililo kamili zaidi kati ya aina hizo mbili; katika wanaume. Kama alivyosema Mwenyezi Mungu, "Na hatukuwatuma kabla yako isipokuwa wanaume tuliowafunulia." Kwa hivyo, ikiwa Isa , amani iwe juu yake, alikuwa wa aina sawa na Manabii na Mitume wa kabla yake, na mama yake alikuwa mkweli; basi ni wa kitu gani Wakristo waliwafanya wao wawili kuwa miungu wawili pamoja na Mwenyezi Mungu? Na kauli yake, “Wote wawili walikuwa wakila chakula” ni uthibitisho ulio dhahiri kuwa walikuwa waja maskini, wenye uhitaji, kama vile wanavyohitaji wanadamu wengineo chakula na vinywaji. Na lau kuwa wangekuwa ni miungu wawili, basi hawangehitaji chakula na vinywaji, na hawangehitaji chochote. Kwa maana Mungu ni yule ambaye hahitaji chochote, Msifiwa. Na Yeye Mtukufu alipobainisha ushahidi, Akasema, "Angalia jinsi tunavyowabainishia Aya" zinazobainisha haki na kuweza wazi yakini, lakini pamoja na hayo haziwanufaishi chochote, bali hawaachi kuwa katika uongo wao na uongo wao, na uzushi wao, na hilo ni dhuluma na ukaidi kutoka kwao.