Fussilat
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
إِنَّ ٱلَّذِينَ قَالُوا۟ رَبُّنَا ٱللَّهُ ثُمَّ ٱسْتَقَـٰمُوا۟ تَتَنَزَّلُ عَلَيْهِمُ ٱلْمَلَـٰٓئِكَةُ أَلَّا تَخَافُوا۟ وَلَا تَحْزَنُوا۟ وَأَبْشِرُوا۟ بِٱلْجَنَّةِ ٱلَّتِى كُنتُمْ تُوعَدُونَ 30
{30} Mwenyezi Mungu Mtukufu anajulisha kuhusu vipenzi wake, jambo ambalo linajumuisha kuwaamsha na kuhimiza watu kufuata mfano wao: "Hakika wale waliosema: 'Mola wetu Mlezi ni Mwenyezi Mungu!' Kisha wakanyooka sawa," yaani, walikiri, wakatamka na wakaridhia umola wa Mwenyezi Mungu Mtukufu na wakajisalimisha kwa amri yake, kisha wakanyooka sawa katika njia iliyonyooka katika elimu yao na matendo yao, basi wana bishara njema katika maisha ya dunia na akhera. "Hao huwateremkia Malaika" watukufu wakiwapa bishara njema wakati wa kufa kwao: "Msiogope" yatakayokuja katika mambo yenu, "wala msihuzunike" kwa yale yaliyopita. Kwa hivyo wakawa wamewajulisha kutokuwepo mambo ya kuchukiza ya zamani na yajayo. "Nanyi furahini kwa Pepo mliyokuwa mkiahidiwa." Kwani imeshaamuliwa kuwa mtaingia humo na hilo limeshathibiti. Na kuwa imefaradhishwa kwenu na imethibiti, na hakika ahadi ya Mwenyezi Mungu lazima itimizwe!