Al-Baqara
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
وَلَا تَلْبِسُوا۟ ٱلْحَقَّ بِٱلْبَـٰطِلِ وَتَكْتُمُوا۟ ٱلْحَقَّ وَأَنتُمْ تَعْلَمُونَ 42
(42) "Wala msichanganye kweli na uongo na mkaificha kweli," basi akawakataza mambo mawili: Kuchanganya haki (kweli) na batili (uwongo), na kuificha haki. Kwa sababu, kilichokusudiwa na "watu wa vitabu na elimu” ni kupambanua haki [kutoka kwa batili], na kudhihirisha haki, ili waongofu waongoke kwa hilo, na warejee waliopotea; na hoja isimame juu ya wakaidi. Kwa sababu, Mwenyezi Mungu alizipambanua ishara (aya) zake na akazibainisha hoja zake zilizo wazi; ili haki ipambanuke kutoka kwa batili, na ili ibainike njia ya walioongoka kutokana na njia ya wakosefu. Basi mwenye kufanya hivi katika watu wa elimu; basi yeye ni katika washikilizi wa Mitume na viongozi wa umma. Na mwenye kuchanganya haki na batili, na hakutofautisha hili kutoka kwa lile pamoja na kujua kwake hilo, na akaficha haki anayoijua, na akaamrishwa kuidhihirisha, basi yeye ni miongoni mwa walinganiaji wa Jahannam (motoni); kwa sababu, watu katika mambo ya dini yao, hawafuati wasiokuwa wanachuoni wao. Basi zichagulieni nafsi zenu moja ya hizo hali mbili.