Al-Baqara
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
قُلْنَا ٱهْبِطُوا۟ مِنْهَا جَمِيعًا ۖ فَإِمَّا يَأْتِيَنَّكُم مِّنِّى هُدًى فَمَن تَبِعَ هُدَاىَ فَلَا خَوْفٌ عَلَيْهِمْ وَلَا هُمْ يَحْزَنُونَ 38
(38) Alirudia kuteremka, ili yapatikane yale yaliyotajwa, nayo ni kauli yake “na kama ukikufikieni uwongofu utokao kwangu.” Yani wakati utakapowajia kutoka kwangu - Enyi kundi la wazito wawili - uwongofu, yani Mtume na Kitabu kinachowaongoza kwenye yale yenye kuwaweka karibu na Mimi, na yenye kuwaweka karibu na radhi zangu. Basi watakaofuata uwongofu wangu huo miongoni mwenu, kwa kuwaamini Mitume wangu na Vitabu vyangu, na akaongoka nao. Na hilo ni kwa kusadiki habari zote za Mitume na Vitabu, na kutekeleza amri, na kujiepusha na makatazo. “Basi haitakuwa hofu juu yao wala hawatahuzunika.” Na katika aya nyingine “basi atakayeufuata uwongofu wangu, hatapotea wala hatataabika.” Kwa hivyo, akafungamanisha mambo manne na kufuata mwongozo wake: Kukanusha hofu na huzuni. Na tofauti iliyopo kati ya hayo ni kuwa chenye kuchukiza ikiwa kilikuwa kimeshapita, huwa kinaleta huzuni. Na ikiwa bado kinangonjewa, huwa kinaleta hofu. Basi akayakanusha haya mawili kwa mwenye kufuata uwongofu wake. Na mawili haya yasipokuwa, basi kinyume chake kinatokea, nacho ni amani kamili.