Al-Baqara
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
قَالُوا۟ سُبْحَـٰنَكَ لَا عِلْمَ لَنَآ إِلَّا مَا عَلَّمْتَنَآ ۖ إِنَّكَ أَنتَ ٱلْعَلِيمُ ٱلْحَكِيمُ 32
(32) “Wakasema: Subhanaka (Wewe umetakasika!)” Yani: Tunakutakasa kutokana na pingamizi kutoka kwetu dhidi yako, na kuhalifu amri yako. “Hatuna elimu (ujuzi)” kwa njia yoyote ile “isipokuwa kwa uliyotufunza Wewe” kutokana na fadhila na ukarimu wako. “Hakika Wewe ndiye Mwenye elimu (Mjuzi), Mwenye hekima.” Al-‘Alim (Mwenye elimu) ni yule anayejua kila kitu, na kitu chochote hakikosekani kuwepo kwake. Na wala hakuna kinachofichikana kwake hata chenye uzito wa chembe, sio katika mbingu wala ardhi, wala kilicho kidogo kuliko hivyo, wala kikubwa zaidi. Al-Hakim (Mwenye hekima) ni yule mwenye hekima kamili ambayo hakuna kiumbe anayeweza kutoka ndani yake. Na wala hakuna aliyeamrishwa anayeweza kujitenga nayo. Kwa hivyo, hakuumba chochote isipokuwa kwa hekima, na wala hakuamrisha kitu ila kwa hekima. Na hekima ni kukiweka kitu katika mahali pake panapostahiki. Hivyo basi, wao (Malaika) wakakiri na kukubali elimu ya Mwenyezi Mungu na hekima yake, na kushindwa kwao kujua hata kitu kidogo zaidi, na wakakubali fadhila za Mwenyezi Mungu juu yao, na yeye kuwafunza wao wasiyoyajua.