Al-Baqara
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
إِنَّ ٱلَّذِينَ يَكْتُمُونَ مَآ أَنزَلْنَا مِنَ ٱلْبَيِّنَـٰتِ وَٱلْهُدَىٰ مِنۢ بَعْدِ مَا بَيَّنَّـٰهُ لِلنَّاسِ فِى ٱلْكِتَـٰبِ ۙ أُو۟لَـٰٓئِكَ يَلْعَنُهُمُ ٱللَّهُ وَيَلْعَنُهُمُ ٱللَّـٰعِنُونَ 159
Aya hii ijapokuwa iliteremshwa kuhusiana na watu wa Kitabu, na walichoficha katika hali ya Mtume, rehema na amani za Mwenyezi Mungu ziwe juu yake, na sifa zake. Ila hukumu yake ni ya jumla kwa kila mwenye sifa ya kuficha yale Mwenyezi Mungu aliteremsha, “katika hoja yaliyo wazi” zenye kuelekeza kwenye haki. Zenye kuidhihirisha, “na uwongofu” nayo ni elimu ambayo kwayo kunapatikana kuongoka kwenye njia iliyonyooka, na inabainisha kwayo njia ya watu wa neema kutokana na njia ya watu wa Motoni. Kwani, Mwenyezi Mungu alichukua ahadi kutoka kwa watu wa elimu kwamba wawaelezee watu kile ambacho Mwenyezi Mungu aliwapa katika elimu ya Kitabu, na wala wasiifiche. Kwa hivyo, mwenye kulitupa hilo, na akajumuisha kati ya maovu mawili, yani kuficha aliyoteremsha Mwenyezi Mungu na kuwapunja waja wa Mwenyezi Mungu, basi hao, “Mwenyezi Mungu anawalaani.” Yani anawaweka mbali na anawafukuza kutokuwa karibu naye, na rehema zake. “Na wanawalaani kila wenye kulaani.” Nao ni viumbe wote. Basi laana inawafikia kutoka kwa viumbe vyote, kwa sababu ya kufanya kwao juhudi katika kuwapunja viumbe na kuharibu dini zao, na kuwaweka mbali na rehema ya Mwenyezi Mungu. Kwa hivyo, wakalipwa aina sawa na matendo yao. Sawa na vile mwenye kuwafundisha watu heri, anaswaliwa na Mwenyezi Mungu, na malaika wake, hata nyangumi ndani ya maji. Kwa sababu ya kufanya kwake juhudi katika masilahi ya viumbe, na kurekebisha dini zao, na kuwaleta karibu na rehema za Mwenyezi Mungu. Kwa hivyo, akalipwa aina sawa na matendo yake. Kwa maana, mwenye kuficha yale ambayo Mwenyezi Mungu aliteremsha anakwenda kinyume na amri ya Mwenyezi Mungu, na anampinga Mwenyezi Mungu. Mwenyezi Mungu anawabainishia watu Aya na anaziweka wazi, ilhali huyu anazifutilia mbali. Ndiyo maana, kuna tishio hili kali juu yake.