Al-Baqara
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
وَإِذَا قِيلَ لَهُمْ ءَامِنُوا۟ كَمَآ ءَامَنَ ٱلنَّاسُ قَالُوٓا۟ أَنُؤْمِنُ كَمَآ ءَامَنَ ٱلسُّفَهَآءُ ۗ أَلَآ إِنَّهُمْ هُمُ ٱلسُّفَهَآءُ وَلَـٰكِن لَّا يَعْلَمُونَ 13
(13) Yaani wanapoambiwa wanafiki “Aminini kama walivyoamini watu,” yaani, kama imani ya maswahaba radhi za Mwenyezi Mungu ziwe juu yao, ambayo ni imani kwa moyo na ulimi. Wanasema kwa madai yao ya uwongo, "tuamini kama walivyoamini wapumbavu?" Wakimaanisha - Mwenyezi Mungu awalaani - maswahaba, radhi za Mwenyezi Mungu ziwe juu yao; wakidai kwamba upumbavu wao (maswahaba) uliwafanya kuamini, na kuondoka katika nchi zao, na kuwafanyia uadui makafiri. Lakini akili zao (wanafiki) zikaona kwamba kinyume cha hayo ndicho kilifaa, hivyo basi wakawanasibisha (maswahaba) na upumbavu. Na ndani ya hilo ni kwamba wao ndio wenye hekima zaidi, wababe wa ufahamu na akili. Lakini Mwenyezi Mungu akawajibu hilo, na akasema kwamba wao ndio wapumbavu kwa hakika. Kwa sababu uhakika wa upumbavu ni mtu kutojua masilahi ya nafsi yake, na akawania katika yale yenye kuidhuru, na sifa hii inawafaa zaidi, [na ni ya ukweli juu yao]. Kama vile akili na ujuzi ni mtu kujua masilahi ya nafsi yake na akawania katika yale yenye kumnufaisha, na katika kuzuia yale yenye kumdhuru. Na sifa hii inawafaa maswahaba na Waumini. Kwa hivyo, la kuzingatiwa ni sifa (maelezo) na dalili, siyo madai tu na maneno matupu.