Al-Baqara
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
أَلَآ إِنَّهُمْ هُمُ ٱلْمُفْسِدُونَ وَلَـٰكِن لَّا يَشْعُرُونَ 12
(12) “Hakika wao ndio waharibifu." Kwa maana, hakuna mharibifu mkubwa zaidi kuliko mwenye kukufuru (kukataa) aya (ishara) za Mwenyezi Mungu, na akazuia njia ya Mwenyezi Mungu. Na akamhadaa Mwenyezi Mungu na vipenzi wake, na akawategemea wale wanaompiga vita Mwenyezi Mungu na Mtume wake. Na akadai pamoja na hayo kuwa huko ni kutengeneza. Basi je, baada ya uharibifu huu kuna uharibifu mwingine? Lakini wao hawajui elimu ya kuwanufaisha, ingawa walikwisha jua elimu ambayo kwayo hoja ya Mwenyezi Mungu ilisimama juu yao. Na kulikuwa kutenda [maasia] katika ardhi uharibifu kwa kuwa ndiyo sababu ya kuharibika kwa yale yaliyopo juu ya uso wa ardhi kama vile nafaka, matunda, miti, na mimea, kwa sababu ya ule uharibifu unaovipata kwa sababu ya maasia. Na kwa sababu kutengeneza mambo katika ardhi ni kuiimarisha kwa kumtii Mwenyezi Mungu na kumwamini. Hii ni kwa sababu, Mwenyezi Mungu aliwaumba viumbe na akawafanya kuishi katika ardhi, na akawapa riziki ili wajisaidie kwayo katika kumtii na kumuabudu. Kwa hivyo, yakifanyika humo kinyume chake, basi hilo litakuwa kuwania kufanya uharibifu (ufisadi) ndani yake na kuibomoa, tofauti na ilichoumbwa (ardhi) kwa ajili yake.