Al-Baqara
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
وَلِلَّهِ ٱلْمَشْرِقُ وَٱلْمَغْرِبُ ۚ فَأَيْنَمَا تُوَلُّوا۟ فَثَمَّ وَجْهُ ٱللَّهِ ۚ إِنَّ ٱللَّهَ وَٰسِعٌ عَلِيمٌ 115
(115) Yani "Na mashariki na magharibi ni za Mwenyezi Mungu." na alizitaja hususan kwa sababu hizo ndizo mahali pa ishara kubwa [kwani mbili hizo ndizo] mapambazuko ya mianga na magharibi yake. Basi ikiwa yeye ndiye mmiliki wake, yeye ndiye mmiliki wa pande zote. "Basi kokote mnakoelekea," nyuso zenu miongoni mwa pande, ikiwa kuzielekea kwenu ni kwa amri yake; ima anakuamrisheni kuielekea Al-Kaaba baada ya kuamrishwa kuielekea Al-Bait Al-Maqdis, au mmeamrishwa kuswali katika safiri juu ya ngamia na mfano wake; basi Qibla ni popote anapoelekeza mja. Au ikiwa Qibla kinakuwa na mashaka, basi atajaribu kuswali kwa kukielekea, kisha hilo kosa likimdhihirikia au awe ni mwenye udhuru kwa sababu ya kusulubiwa au maradhi na mfano wake, basi katika haya mambo, mja huwa amepewa udhuru au ameamrishwa. Vyovyote iwavyo, kuelekea upande miongoni mwa pande hakutoki nje ya milki ya Mola wake Mlezi, "uso wa Mwenyezi Mungu upo (upande huo). Hakika Mwenyezi Mungu ni Mwenye wasaa (mkunjufu) na Mwenye elimu." Ndani yake kuna kumthibitishia Mwenyezi Mungu uso kwa namna inayomfaa Yeye Mtukufu. Na kwamba Mwenyezi Mungu ana uso usiofanana na nyuso zingine. Naye Mtukufu (Mwenyezi Mungu) ni mkunjufu (mpana) wa fadhila, na sifa nyingi kuu, Mjuzi wa siri na makusudio yenu. Na katika wasaa wake na elimu yake, ni kwamba aliwafanyia ukunjufu katika jambo hili, na akakubali kutoka kwenu alilowaamrisha. Basi ni zake sifa njema na shukrani.