Al-Israa
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
فَإِذَا جَآءَ وَعْدُ أُولَىٰهُمَا بَعَثْنَا عَلَيْكُمْ عِبَادًا لَّنَآ أُو۟لِى بَأْسٍ شَدِيدٍ فَجَاسُوا۟ خِلَـٰلَ ٱلدِّيَارِ ۚ وَكَانَ وَعْدًا مَّفْعُولًا 5
{5} "Na itakapokuja ahadi ya kwanza yake." Yaani, mara ya kwanza kati ya mbili hizo ambazo watafanya uharibifu, yaani, wakati watakapoufanya uharibifu huo, "tutawatumia" kulingana na majaaliwa yaliyoandikwa kabla, na kuwapa mamlaka juu yenu pia kimajaaliwa ya kiadhabu. "Waja wetu wenye nguvu kubwa;" yaani, mashuja, wenye idadi kubwa na maandalizi mazuri, kisha Mwenyezi Mungu atawasaidia dhidi yenu, wawaue, wawateke wana wenu, wapore mali zenu, na wawaingilie "ndani ya majumba." Kwa hivyo waharibu nyumba hizo, waingie katika Msikiti Mtakatifu, na wauharibu. "Na hii ilikuwa ahadi iliyotimizwa" ambayo ilikuwa lazima itokee kwa sababu ilipatikana sababu ya kutokea kwake kutoka kwao. Wafasiri walitofautiana kuhusiana na hao waliopewa mamlaka dhidi ya Wana wa Israili, lakini walikubaliana kwamba walikuwa kaumu makafiri ima kutoka katika watu wa Iraq, au Al-Jazira, au sehemu nyingineyo. Mwenyezi Mungu aliwapa mamlaka juu ya wana wa Israili wakati kulikuwa na maasia mengi miongoni mwao na wakaacha sheria zao nyingi na wakavuka mipaka katika ardhi.