عَنْ أَنَسِ بْنِ مَالِكٍ رَضيَ اللهُ عنهُ قَالَ: وُقِّتَ لَنَا فِي قَصِّ الشَّارِبِ، وَتَقْلِيمِ الْأَظْفَارِ، وَنَتْفِ الْإِبِطِ، وَحَلْقِ الْعَانَةِ، أَلَّا نَتْرُكَ أَكْثَرَ مِنْ أَرْبَعِينَ لَيْلَةً.
Daga Anas ɗan Malik - Allah Ya yarda da shi - ya ce: An sa mana lokaci a rage gashin baki, da yanke farata, da cire gashin hammata, da aske gashin mara, kada mu bari sama da dare arba'in.
Muslim ne ya rawaito shiDarajaIngantacce ne
Sharhi
Annabi - tsira da amincin Allah su tabbata agare shi - ya iyakance akan rage gashin bakin namiji, da yanke farcen hannaye da ƙafafuwa, da cire gashin hammata, da aske gashin mara, cewa kada a barsu sama da kwanaki arba'in.
Fa’idoji
- Shaukani ya ce: Abin aka fi so shi ne a iyakance kwana arba'in waɗanda manzon Allah - tsira da amincin Allah su tabbata agare shi - ya iyakance su dan haka ba ya halatta a ƙetaresu, wanda ya bar askewar da makamncinsa bayan tsawo har zuwa ƙarshen waccan lokacin na kwanaki arba’in to ba za'a ƙirga shi cikin wanda ya saɓawa sunnah ba.
- Ibnu Hubaira ya ce: Wannan hadisin shi ne matuƙa a jinkirta hakan, abinda ya fi a yi riƙo da ƙasa da wannan matuƙar.
- Kulawar musulunci da tsafta da tsarkaka da kuma ado.
- Rage gashin baki, shi ne a rage wasu daga gashin da ya tsiro akan leɓe na sama.
- Cire gashin hammata, yana kasancewa ne da kawar da gashin da yake tsirowa da shi, shi ne gurin da yake kasancewa ƙasan mararrabar zira'i da kafaɗa.
- Aske gashin mara, shi ne gashi mai kaushi wanda ya tsiro a gefen gaba daga namiji da mace.
Madogara
صحيح مسلم (1/ 222) (258). شرح سنن أبي داود لابن رسلان (16/ 559). مرشد ذوي الحجا والحاجة إلى سنن ابن ماجه والقول المكتفى على سنن المصطفى (3/ 115).