At-Tawba

يَوْمَ يُحْمَىٰ عَلَيْهَا فِى نَارِ جَهَنَّمَ فَتُكْوَىٰ بِهَا جِبَاهُهُمْ وَجُنُوبُهُمْ وَظُهُورُهُمْ ۖ هَـٰذَا مَا كَنَزْتُمْ لِأَنفُسِكُمْ فَذُوقُوا۟ مَا كُنتُمْ تَكْنِزُونَ 35

{35} Kisha akaitafsiri kwa kauli yake "Siku zitakapotiwa moto" yaani, zitakapotiwa mali zao moto {katika moto wa Jahannam}: na kila dinari au dirhamu ikatiwa moto kando kando, "na kwazo vikachomwa vipaji vya nyuso zao na mbavu zao na migongo yao" katika Siku ya Qiyama. Kila zikiwa baridi, zinarudishwa, katika siku ambayo kipimo chake ni miaka elfu hamsini. Na wataambiwa wakikaripiwa na kulaumiwa, "Haya ndiyo mliyozilimbikia nafsi zenu. Basi onjeni mliyokuwa mkilimbika." Nasi hatukuwadhulumu, lakini mlijidhulumu wenyewe, na mkaziadhibu kwa milimbiko hii. Na Mwenyezi Mungu alitaja katika aya mbili hizi kupotoka kwa mwanadamu katika mali yake. Na hilo ni kwa moja ya mambo mawili: Ima kwa kuitumia katika batili ambayo haimletei faida yoyote, bali hayampati kutoka kwayo isipokuwa madhara tupu. Na hili kama vile kutia mali katika maasia na matamanio ambayo hayasaidii katika kumtii Mwenyezi Mungu, na kuitia ili kuzuia njia ya Mwenyezi Mungu. Na ima aizuie mali yake asiitoe katika mambo ya wajibu. Na kukataza kitu fulani ni kuamriwa kinyume chake.