At-Tawba
Bu, as-Saʿdī’nin tefsirinin, IslamHouse.com’un saadi.islamenc.com adresinde yayımladığı hâliyle bir çevirisidir; o sitenin sayfalarından okunmuştur. Site, kimin çevirdiğini ya da hangi basılı neşri izlediğini söylemez ve metnini almak için hiçbir şart belirtmez; bu yüzden bunu gösterme hakkı doğrulanmamıştır. Kimse bunu basılı bir kitapla karşılaştırmadı ve hiçbir âlim gözden geçirmedi. Her bölüm, yorumladığı âyetlerin yanında durur; bu âyetler Tanzil’in Kur’ân metnidir, orada olduğu gibi gösterilir; sitenin kendine ait bir yorum vermediği bir âyet kendisinden önceki bölümle birlikte durur ve dizin böyle her âyeti adıyla anar. Sabīl bunun hiçbirini yazmamış ve çevirmemiştir.
Metin kaynağı:saadi.islamenc.comIslamHouse.comnone stated (the site names no licence and no terms for taking its text)2026-10-22 tarihinde alındı
وَمَا كَانَ ٱسْتِغْفَارُ إِبْرَٰهِيمَ لِأَبِيهِ إِلَّا عَن مَّوْعِدَةٍ وَعَدَهَآ إِيَّاهُ فَلَمَّا تَبَيَّنَ لَهُۥٓ أَنَّهُۥ عَدُوٌّ لِّلَّهِ تَبَرَّأَ مِنْهُ ۚ إِنَّ إِبْرَٰهِيمَ لَأَوَّٰهٌ حَلِيمٌ 114
{114} Na hata kama kuomba msamaha kulipatikana kutoka kwa rafiki mwandani wa Mwingi wa Rehema, Ibrahim, amani iwe juu yake, juu ya baba yake, basi hilo ni kwa sababu ya “ahadi aliyomuahidi” na hilo ni kabla ya kujua mwisho wa baba yake. "Lakini ilipombainikia” Ibrahim kwamba baba yake “ni adui wa Mwenyezi Mungu," na atakufia katika ukafiri wake, na mawaidha na ukumbusho hayatamfaa kitu; "alijiweka mbali naye," kwa kuafikiana na Mola wake Mlezi na kumfanyia adabu nzuri. "Hakika Ibrahim alikuwa mwingi wa kuomba." Yaani, mwenye kurudi kwa Mwenyezi Mungu katika mambo yote, mwingi wa kumtaja na kuomba dua, na kuomba msamaha, na kurejea kwa Mola wake Mlezi. "Mvumilivu;" yaani, mwenye kuwahurumia viumbe, na kusamehe makosa yao, hachukizwi na ujinga wa wajinga, wala hamkabili mwenye kumkosea kwa kosa lake. Baba yake alimwambia: "Mimi hakika nitakupiga mawe," na akamwambia: "Amani iwe juu yako, nitakuombea msamaha kwa Mola wangu Mlezi." Basi ni lazima muige na mufuate mila ya Ibrahim katika kila jambo isipokuwa kauli ya Ibrahim kumwambia baba yake: "Lazima nitawaombea msamaha;" kama Mwenyezi Mungu alivyowatanabahisha juu yake na mengineyo. Na ndiyo maana akasema: