Al-Anfaal
Bu, as-Saʿdī’nin tefsirinin, IslamHouse.com’un saadi.islamenc.com adresinde yayımladığı hâliyle bir çevirisidir; o sitenin sayfalarından okunmuştur. Site, kimin çevirdiğini ya da hangi basılı neşri izlediğini söylemez ve metnini almak için hiçbir şart belirtmez; bu yüzden bunu gösterme hakkı doğrulanmamıştır. Kimse bunu basılı bir kitapla karşılaştırmadı ve hiçbir âlim gözden geçirmedi. Her bölüm, yorumladığı âyetlerin yanında durur; bu âyetler Tanzil’in Kur’ân metnidir, orada olduğu gibi gösterilir; sitenin kendine ait bir yorum vermediği bir âyet kendisinden önceki bölümle birlikte durur ve dizin böyle her âyeti adıyla anar. Sabīl bunun hiçbirini yazmamış ve çevirmemiştir.
Metin kaynağı:saadi.islamenc.comIslamHouse.comnone stated (the site names no licence and no terms for taking its text)2026-10-22 tarihinde alındı
أُو۟لَـٰٓئِكَ هُمُ ٱلْمُؤْمِنُونَ حَقًّا ۚ لَّهُمْ دَرَجَـٰتٌ عِندَ رَبِّهِمْ وَمَغْفِرَةٌ وَرِزْقٌ كَرِيمٌ 4
{4} "Hao" waliosifika kwa sifa hizo, "ndio Waumini wa kweli" kwa sababu wao walikusanya kati ya Uislamu na Imani, baina ya matendo ya siri na matendo ya dhahiri, baina ya elimu na matendo, baina ya kutimiza haki za Mwenyezi Mungu na haki za waja wake. Na Mwenyezi Mungu Mtukufu alitangulliza matendo ya nyoyo kwa sababu hayo ndiyo msingi wa matendo ya viungo na ndio bora zaidi kuyaliko. Na kuna ushahidi kwamba imani huongezeka na kupungua. Kwa hivyo huongezeka kwa kutenda utiifu, na hupungua kwa kinyume chake. Na kwamba mja anapaswa kuirudia imani yake mara kwa mara na kuikuza, na kwamba jambo la kwanza lenye kuyaleta hayo ni kukizingatia Kitabu cha Mwenyezi Mungu Mtukufu na kutafakari maana zake. Kisha akataja malipo ya Waumini wa kweli, akasema: "Wana vyeo kwa Mola wao Mlezi." Yaani, vya juu kulingana na ujuu wa matendo yao; "na kusitiriwa dhambi na riziki tukufu." Nayo ni yale aliyowaandalia Mwenyezi Mungu katika nyumba ya utukufu wake, katika yale ambayo jicho halijawahi kuyaona, wala sikio halijawahi kuyasikia, wala hayajawahi kupita katika moyo wa mwanadamu yeyote. Na hili liliashiria kwamba yule ambaye hakufikia katika daraja yao ya imani, hata akiingia Peponi, basi hawatapata katika utukufu kamili wa Mwenyezi Mungu.