Al-An'aam
Bu, as-Saʿdī’nin tefsirinin, IslamHouse.com’un saadi.islamenc.com adresinde yayımladığı hâliyle bir çevirisidir; o sitenin sayfalarından okunmuştur. Site, kimin çevirdiğini ya da hangi basılı neşri izlediğini söylemez ve metnini almak için hiçbir şart belirtmez; bu yüzden bunu gösterme hakkı doğrulanmamıştır. Kimse bunu basılı bir kitapla karşılaştırmadı ve hiçbir âlim gözden geçirmedi. Her bölüm, yorumladığı âyetlerin yanında durur; bu âyetler Tanzil’in Kur’ân metnidir, orada olduğu gibi gösterilir; sitenin kendine ait bir yorum vermediği bir âyet kendisinden önceki bölümle birlikte durur ve dizin böyle her âyeti adıyla anar. Sabīl bunun hiçbirini yazmamış ve çevirmemiştir.
Metin kaynağı:saadi.islamenc.comIslamHouse.comnone stated (the site names no licence and no terms for taking its text)2026-10-22 tarihinde alındı
وَلَقَدْ جِئْتُمُونَا فُرَٰدَىٰ كَمَا خَلَقْنَـٰكُمْ أَوَّلَ مَرَّةٍ وَتَرَكْتُم مَّا خَوَّلْنَـٰكُمْ وَرَآءَ ظُهُورِكُمْ ۖ وَمَا نَرَىٰ مَعَكُمْ شُفَعَآءَكُمُ ٱلَّذِينَ زَعَمْتُمْ أَنَّهُمْ فِيكُمْ شُرَكَـٰٓؤُا۟ ۚ لَقَد تَّقَطَّعَ بَيْنَكُمْ وَضَلَّ عَنكُم مَّا كُنتُمْ تَزْعُمُونَ 94
94. Basi hii ndiyo hali yao katika Barzakh (kaburini). Na ama siku ya Qiyama, wao kwa hakika watakapoifikia hali ya kuwa ni wafilisi, wakiwa mmoja mmoja, bila ya familia, wala mali, wala wana, wala askari, wala wasaidizi. Kama vile Mwenyezi Mungu alivyowaumba mara ya kwanza huku wakiwa hawana kila kitu. Kwani vitu huchukuliwa kama mali, na vinakuja baada ya hayo kupitia sababu zake ambazo ni sababu zake. Na katika siku hiyo yatakatika mambo yote ambayo yalikuwa pamoja na mja katika dunia isipokuwa matendo mema na matendo mabaya ambayo ndiyo uhakika wa Nyumba ya Akhera, ambayo yanatoka humo, na unakuwa uzuri wake, na ubaya wake, na furaha yake, na huzuni yake, na wasiwasi yake kubwa, na adhabu yake, na neema yake kulingana na matendo. Hayo ndiyo yenye kunufaisha au kudhuru, na kuwa mabaya au kufurahisha. na ama yasiykuwa hayo miongoni mwa familia, na wana, na mali, na wasaidizi, ni msaada tu wa kutoka nje, na sifa zenye kuondoka, na hali zenye kuzuia. Ndiyo maana Mwenyezi Mungu Mtukufu akasema, "Nanyi hakika mmetujia mmoja mmoja kama tulivyowaumba mara ya kwanza. Na mkayaacha yote yale tuliyowapa." Yaani, tuliwapa na tukawaneemesha kwavyo "nyuma ya migongo yenu." Hayawafai kitu, "na wala hatuwaoni pamoja nanyi hao waombezi wenu, ambao mlidai kuwa ni washirika wa Mwenyezi Mungu kwenu." Kwa maana, washirikina wanamshirikisha Mwenyezi Mungu na wanaabudu pamoja naye Malaika, na Manabii, na wale walio wema na wasiokuwa hao. Nao hao wote ni wa Mwenyezi Mungu, lakini wanawafanyia viumbe hawa sehemu katika nafsi zao, na ushirika katika ibada zao. Na haya ni madai tu kutoka kwao na ni dhuluma. Kwa maana wote ni waja wa mwenyezi Mungu, na Mwenyezi Mungu ndiye Mmiliki wao na anayestahiki kuabudiwa. Basi ushirikina wao katika ibada, na kuwafanyia kwao baadhi ya waja ni kuwafanya hao kuwa katika daraja la Muumba, Mmiliki. Kwa hivyo watakemewa Siku ya Qiyama, na waambiwe maneno haya; "na wala hatuwaoni pamoja nanyi hao waombezi wenu, ambao mlidai kuwa ni washirika wa Mwenyezi Mungu kwenu. Hakika, yamekatika mahusiano baina yenu." Yaani, yalikatika mafungamano na njia zilizo baina yenu na washirika wenu, kama vile uombezi na mambo mengine, kwa hivyo hayakuwa na manufaa yoyote na hayakufanikisha chochote. "Na yamewapotea yale mliyokuwa mkidai" miongoni mwa faida, na amani, na furaha, na wokovu ambayo Shetani aliwapambia, na akayafanya kuwa mazuri katika nyoyo zenu; basi ndimi zenu zikayatamka, na mkadanganyika na madai haya batili, ambayo hayana uhakika wowote, wakati kilipowabainikia kinyume cha yale mliyokuwa mkidai. Na ikadhihirika kuwa nyinyi ndio wenye hasara kubwa kwa nafsi zenu, na ahali zenu, na mali zenu.