Al-An'aam
Bu, as-Saʿdī’nin tefsirinin, IslamHouse.com’un saadi.islamenc.com adresinde yayımladığı hâliyle bir çevirisidir; o sitenin sayfalarından okunmuştur. Site, kimin çevirdiğini ya da hangi basılı neşri izlediğini söylemez ve metnini almak için hiçbir şart belirtmez; bu yüzden bunu gösterme hakkı doğrulanmamıştır. Kimse bunu basılı bir kitapla karşılaştırmadı ve hiçbir âlim gözden geçirmedi. Her bölüm, yorumladığı âyetlerin yanında durur; bu âyetler Tanzil’in Kur’ân metnidir, orada olduğu gibi gösterilir; sitenin kendine ait bir yorum vermediği bir âyet kendisinden önceki bölümle birlikte durur ve dizin böyle her âyeti adıyla anar. Sabīl bunun hiçbirini yazmamış ve çevirmemiştir.
Metin kaynağı:saadi.islamenc.comIslamHouse.comnone stated (the site names no licence and no terms for taking its text)2026-10-22 tarihinde alındı
قُلْ هَلُمَّ شُهَدَآءَكُمُ ٱلَّذِينَ يَشْهَدُونَ أَنَّ ٱللَّهَ حَرَّمَ هَـٰذَا ۖ فَإِن شَهِدُوا۟ فَلَا تَشْهَدْ مَعَهُمْ ۚ وَلَا تَتَّبِعْ أَهْوَآءَ ٱلَّذِينَ كَذَّبُوا۟ بِـَٔايَـٰتِنَا وَٱلَّذِينَ لَا يُؤْمِنُونَ بِٱلْـَٔاخِرَةِ وَهُم بِرَبِّهِمْ يَعْدِلُونَ 150
{150} Yaani, mwambie yule aliyeyaharamisha yale aliyoyahalalisha Mwenyezi Mungu na akayanasibisha hayo kwa Mwenyezi Mungu: Waleteni mashahidi wenu ambao wanashuhudia kwamba Mwenyezi Mungu ameyaharamisha haya! Na wakiambiwa maneno haya, basi wako baina ya mambo mawili: Ima wasimlete yeyote kushuhudia haya, basi madai yao yakawa ni batili, yasiyokuwa na mashahidi na ushahidi. Na ima wamlete yeyote anayewashuhudia hilo. Na hakuna anayaweza kushuhudia hayo isipokuwa kila mwongo mkubwa mwenye dhambi asiyekubaliwa ushahidi wake. Na hili si katika mambo ambayo inaruhusika kwa waadilifu kuyashuhudia. Na ndiyo maana Akasema yeye Mtukufu, akimkataza Nabii wake na wafuasi wake ushahidi huu: "Kwa hivyo, wakishuhudia, basi wewe usishuhudie pamoja nao. Wala usifuate matamanio ya wale waliozikadhibisha Ishara zetu, na ambao hawaamini katika Akhera, nao wanamlinganisha Mola wao Mlezi na wengine." Yaani, wanawafanya wengine kuwa sawa na Yeye miongoni mwa wenza, na viabudiwavyo vyote. Na ikiwa waliikufuru Siku ya Mwisho na hawampwekeshi Mwenyezi Mungu, matamanio yao yanakuwa yenye kuafikiana na itikadi zao, na yanakuwa yenye kuzunguka baina ya ushirikina na ukadhibishaji wa haki. Kwa hivyo ikafaa zaidi kwa matamanio ambayo hii ndiyo hali yake kwamba Mwenyezi Mungu awakataze walio bora zaidi wa viumbe vyake kuyafuata, na kushuhudia pamoja na mabwana wake, na ikajulikana hapo kwamba kuharamisha kwao yale ambayo Mwenyezi Mungu alihalalisha kulitokana na matamanio hayo potofu.