Al-Hijr
Bu, as-Saʿdī’nin tefsirinin, IslamHouse.com’un saadi.islamenc.com adresinde yayımladığı hâliyle bir çevirisidir; o sitenin sayfalarından okunmuştur. Site, kimin çevirdiğini ya da hangi basılı neşri izlediğini söylemez ve metnini almak için hiçbir şart belirtmez; bu yüzden bunu gösterme hakkı doğrulanmamıştır. Kimse bunu basılı bir kitapla karşılaştırmadı ve hiçbir âlim gözden geçirmedi. Her bölüm, yorumladığı âyetlerin yanında durur; bu âyetler Tanzil’in Kur’ân metnidir, orada olduğu gibi gösterilir; sitenin kendine ait bir yorum vermediği bir âyet kendisinden önceki bölümle birlikte durur ve dizin böyle her âyeti adıyla anar. Sabīl bunun hiçbirini yazmamış ve çevirmemiştir.
Metin kaynağı:saadi.islamenc.comIslamHouse.comnone stated (the site names no licence and no terms for taking its text)2026-10-22 tarihinde alındı
وَمَا خَلَقْنَا ٱلسَّمَـٰوَٰتِ وَٱلْأَرْضَ وَمَا بَيْنَهُمَآ إِلَّا بِٱلْحَقِّ ۗ وَإِنَّ ٱلسَّاعَةَ لَـَٔاتِيَةٌ ۖ فَٱصْفَحِ ٱلصَّفْحَ ٱلْجَمِيلَ 85
{85} Yaani, hatukuziumba bure, kama maadui wa Mwenyezi Mungu wanavyofikiria, lakini hatukuziumba "isipokuwa kwa haki" ambayo zinafaa mbili hizo ziwe pamoja na vile vilivyomo vinaonyesha ukamilifu wa Muumba wake, uwezo wake, rehema yake pana, na hekima yake, na elimu yake yenye kuzunguka; na kwamba Yeye tu ndiye anayepasa kufanyiwa ibada, peke yake bila mshirika yeyote. "Na hakika Saa ya Qiyama itafika." Hapana shaka yoyote juu yake kwani, kuumbwa kwa mbingu na ardhi ni kukubwa zaidi kuliko kuumbwa kwa watu. "Basi samehe msamaha mzuri." Nao ni msamaha ambao hauna udhia wowote, bali ubaya wa mfanya mabaya unafaa kukabiliwa na wema, na dhambi yake kwa msamaha, ili upate malipo mengi kutoka kwa Mola wako Mlezi. Kwa maana kila kijacho, kiko karibu. Na nimedhihirikiwa na maana bora zaidi kuliko ile niliyotaja hapa, ambayo ni kwamba kilichoamrishwa ni msamaha mzuri, ambao umesalimika kutokana na chuki, udhia wa kimaneno na wa kivitendo, na si msamaha ambao siyo mzuri, ambao ni msamaha usiokuwa mahali pake. Kwa hivyo haisamehewi hali ambayo inalazimu adhabu, kama vile kuwaadhibu wavukao mipaka, madhalimu ambao haiwafaidi isipokuwa adhabu pekee. Na hii ndiyo maana sahihi.