Yusuf
Bu, as-Saʿdī’nin tefsirinin, IslamHouse.com’un saadi.islamenc.com adresinde yayımladığı hâliyle bir çevirisidir; o sitenin sayfalarından okunmuştur. Site, kimin çevirdiğini ya da hangi basılı neşri izlediğini söylemez ve metnini almak için hiçbir şart belirtmez; bu yüzden bunu gösterme hakkı doğrulanmamıştır. Kimse bunu basılı bir kitapla karşılaştırmadı ve hiçbir âlim gözden geçirmedi. Her bölüm, yorumladığı âyetlerin yanında durur; bu âyetler Tanzil’in Kur’ân metnidir, orada olduğu gibi gösterilir; sitenin kendine ait bir yorum vermediği bir âyet kendisinden önceki bölümle birlikte durur ve dizin böyle her âyeti adıyla anar. Sabīl bunun hiçbirini yazmamış ve çevirmemiştir.
Metin kaynağı:saadi.islamenc.comIslamHouse.comnone stated (the site names no licence and no terms for taking its text)2026-10-22 tarihinde alındı
وَمَآ أَرْسَلْنَا مِن قَبْلِكَ إِلَّا رِجَالًا نُّوحِىٓ إِلَيْهِم مِّنْ أَهْلِ ٱلْقُرَىٰٓ ۗ أَفَلَمْ يَسِيرُوا۟ فِى ٱلْأَرْضِ فَيَنظُرُوا۟ كَيْفَ كَانَ عَـٰقِبَةُ ٱلَّذِينَ مِن قَبْلِهِمْ ۗ وَلَدَارُ ٱلْـَٔاخِرَةِ خَيْرٌ لِّلَّذِينَ ٱتَّقَوْا۟ ۗ أَفَلَا تَعْقِلُونَ 109
{109} Kisha Yeye Mtukufu akasema: "Na hatukuwatuma Mitume kabla yako isipokuwa wanaume;” yaani, hatukutuma Malaika wala wasiokuwa wao miongoni mwa aina mbalimbali za viumbe. Basi kwa nini kaumu yako wanastaajabu jambo la kukutuma wewe na wanadai kuwa wewe huna ubora wowote juu yao, basi una mfano mzuri kutoka kwa Mitume wa kabla yako, "tuliowafunulia wahyi miongoni mwa watu wa mijini.” Yaani, siyo kutoka kwa wakazi wa jangwani, lakini kutoka kwa wakazi wa mijini, ambao ndio wana akili kamili zaidi na maoni mazuri, na ili hali yao ibainike na hali yao iwe wazi. "Je, hawakutembea katika ardhi” ikiwa hawasadiki kauli yako, “wakaona jinsi ulivyokuwa mwisho wa wale waliokuwa kabla yao?” Jinsi Mwenyezi Mungu alivyowaangamiza kwa sababu ya kukadhibisha kwao. Basi jihadharini kuendelea na yale waliyoendelea kuyafanya, yakawapata yale yaliyowapata. "Na hakika nyumba ya Akhera;” yaani, Pepo na vyote vilvyomo miongoni mwa starehe za kudumu "ndiyo bora kwa wamchao Mungu” katika kutekeleza amri zake na kujiepusha na makatazo yake. Kwa maana starehe za dunia zina mipaka, ni dhiki, na ni za kukatika, ilhali starehe za Akhera ni timilifu, kamili na hazina mwisho abadan bali zitaongezeka daima na kuendelea. Hicho ni kipawa kisicho na ukomo. "Basi hamtumii akili?” Yaani, mkayapendelea yale yaliyo bora kuliko yaliyo duni zaidi?