Yunus
Bu, as-Saʿdī’nin tefsirinin, IslamHouse.com’un saadi.islamenc.com adresinde yayımladığı hâliyle bir çevirisidir; o sitenin sayfalarından okunmuştur. Site, kimin çevirdiğini ya da hangi basılı neşri izlediğini söylemez ve metnini almak için hiçbir şart belirtmez; bu yüzden bunu gösterme hakkı doğrulanmamıştır. Kimse bunu basılı bir kitapla karşılaştırmadı ve hiçbir âlim gözden geçirmedi. Her bölüm, yorumladığı âyetlerin yanında durur; bu âyetler Tanzil’in Kur’ân metnidir, orada olduğu gibi gösterilir; sitenin kendine ait bir yorum vermediği bir âyet kendisinden önceki bölümle birlikte durur ve dizin böyle her âyeti adıyla anar. Sabīl bunun hiçbirini yazmamış ve çevirmemiştir.
Metin kaynağı:saadi.islamenc.comIslamHouse.comnone stated (the site names no licence and no terms for taking its text)2026-10-22 tarihinde alındı
هُوَ ٱلَّذِى يُسَيِّرُكُمْ فِى ٱلْبَرِّ وَٱلْبَحْرِ ۖ حَتَّىٰٓ إِذَا كُنتُمْ فِى ٱلْفُلْكِ وَجَرَيْنَ بِهِم بِرِيحٍ طَيِّبَةٍ وَفَرِحُوا۟ بِهَا جَآءَتْهَا رِيحٌ عَاصِفٌ وَجَآءَهُمُ ٱلْمَوْجُ مِن كُلِّ مَكَانٍ وَظَنُّوٓا۟ أَنَّهُمْ أُحِيطَ بِهِمْ ۙ دَعَوُا۟ ٱللَّهَ مُخْلِصِينَ لَهُ ٱلدِّينَ لَئِنْ أَنجَيْتَنَا مِنْ هَـٰذِهِۦ لَنَكُونَنَّ مِنَ ٱلشَّـٰكِرِينَ 22 فَلَمَّآ أَنجَىٰهُمْ إِذَا هُمْ يَبْغُونَ فِى ٱلْأَرْضِ بِغَيْرِ ٱلْحَقِّ ۗ يَـٰٓأَيُّهَا ٱلنَّاسُ إِنَّمَا بَغْيُكُمْ عَلَىٰٓ أَنفُسِكُم ۖ مَّتَـٰعَ ٱلْحَيَوٰةِ ٱلدُّنْيَا ۖ ثُمَّ إِلَيْنَا مَرْجِعُكُمْ فَنُنَبِّئُكُم بِمَا كُنتُمْ تَعْمَلُونَ 23
{22-23} Yeye Mtukufu alipotaja kanuni ya jumla kuhusu hali za watu wakati wanapopatwa na rehema baada ya shida, na urahisi baada ya ugumu, akataja hali inayounga mkono hilo. Nayo ni hali yao katika bahari wakati wa michafuko yake kuhofu matokeo yake. Akasema: "Yeye ndiye anayewaendesha katika nchi kavu na baharini” kwa yale aliyowarahisishia miongoni mwa njia zinazoekwa kwa ajili yenu na akawaongoa kuzifikia. "Mpaka mnapokuwa katika majahazi na yakawa yanakwenda nao kwa upepo mzuri” zikiafikiana na wapendavyo, bila ya masumbuko wala ugumu, "na wakaufurahia" na wakawa na utulivu nao. Na huku wakiwa hivyo, ghafla ukawajia “upepo mkali” katika kuvuma kwake “na yakawajia mawimbi kutoka kila mahali, na wakaona kwamba wameshazungukwa.” Yaani, wakajua kuwa ni maangamivu, na wakati huo kukakatika kufungamana kwao na viumbe, na wakajua kuwa hakuna yeyote wa kuwaokoa na shida hii isipokuwa Mwenyezi Mungu peke yake. Wakamuomba "kwa kumpwekeshea yeye tu dini” na wakajiwekea ahadi kwa ufaradhinamna ya ulazima, na wakasema: “Ukituokoa na haya, bila ya shaka tutakuwa miongoni mwa wanaoshukuru. Na alipowaokoa, tazama, walikuwa wakifanya jeuri tena katika ardhi bila ya haki.” Yaani, walisahau shida hiyo, dua hiyo, na yale waliyojiwekea kwa namna ya ulazima juu ya nafsi zao, kwa hivyo wakamshirikisha Mwenyezi Mungu wale waliokiri kuwa hawawezi kuwaepusha kutokana na shida wala kuwakinga kutokana na matatizo. Basi kwa nini hawakumpwekeshea Mwenyezi Mungu ibada katika wakati wa raha kama vile walivyompwekesha katika nyakati za shida? Lakini jeuri hii yanarejea madhara yake juu yao, na ndiyo maana akasema: "Enyi watu! Hakika jeuri zenu zitawadhuru nyinyi wenyewe. Hii ni starehe ya maisha ya dunia tu.” Yaani, matarajio yenu ya mwisho kwa jeuri yenu hiyo na kuwa kwenu mbali na kumpwekesha Mwenyezi Mungu ni kwamba mpate kitu katika mabaki ya dunia na heshima yake chache, ambayo yataisha haraka, na yote yatapita, kisha mtaondoka myaache hata msipotaka. "Kisha marejeo yenu ni kwetu” katika Siku ya Qiyama, "na hapo tutawaambia yale mliyokuwa mkiyatenda.” Na katika hili kuna onyo kubwa kabisa kwao juu ya kuendelea na matendo yao hayo.