At-Tawba
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
وَإِنْ أَحَدٌ مِّنَ ٱلْمُشْرِكِينَ ٱسْتَجَارَكَ فَأَجِرْهُ حَتَّىٰ يَسْمَعَ كَلَـٰمَ ٱللَّهِ ثُمَّ أَبْلِغْهُ مَأْمَنَهُۥ ۚ ذَٰلِكَ بِأَنَّهُمْ قَوْمٌ لَّا يَعْلَمُونَ 6
{6} Kwa kuwa yale yaliyotangulia kuanzia kauli yake, "Na ikiisha miezi mitukufu, basi waueni washirikina popote muwakutapo, na wachukueni na wazingireni, na wavizieni katika kila njia." Ni amri ya jumla katika hali zote, na kwa watu wote miongoni mwao, Yeye Mtukufu akataja kwamba ikiwa masilahi yatahitaji kuwaleta baadhi yao karibu, basi hilo litaruhusika, bali linakuwa lazima. Kwa hivyo akasema, "Na ikiwa yeyote miongoni mwa washirikina atakuomba ulinzi;" yaani, ikiwa atakuomba ulinzi na umzuie na madhara ili ayasikie maneno ya Mwenyezi Mungu na aiangalie hali ya Uislamu, "basi mpe ulinzi ili apate kusikia maneno ya Mwenyezi Mungu." Kisha kama atasilimu, basi ni hivyo. Na kama sivyo, basi mfikishe katika pahali pake pa amani. Yaani, mahali ambapo anakuwa katika amani. Na sababu katika hilo ni kwamba makafiri ni kaumu wasiojua. Kwa hivyo labda kuendelea kwao kuwa katika kufuru yao hiyo ni kutokana na kutojua kwao ikiwa kutaisha, basi watauchagua Uislamu juu yake. Ndiyo maana Mwenyezi Mungu akamwamuru Mtume wake na umma wake ni wenye kumfuata katika hukumu mbalimbali kwamba wampe ulinzi mwenye kutaka kuyasikiliza maneno ya Mwenyezi Mungu. Na katika hili kuna hoja ya wazi ya dhehebu la Ahlus-Sunnah wal-Jama'ah, wanaosema kwamba Qur-ani ni maneno ya Mwenyezi Mungu ambayo hayakuumba. Kwa sababu Yeye Mtukufu ndiye aliyeyazungumza, na akayafungamanisha naye mwenyewe kufungamanisha kwa sifa kwa kile inachokisifu, na ubatili wa dhehebu la Al-Mu'tazila na wale walioichukua kauli yao kwamba Qur'ani iliumbwa. Na ni ngapi katika ushahidi unaoshuhudia ubatili wa kauli hii. Hapa sipo pahali pa kuyataja hayo!