At-Tawba
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
وَإِذَا مَآ أُنزِلَتْ سُورَةٌ فَمِنْهُم مَّن يَقُولُ أَيُّكُمْ زَادَتْهُ هَـٰذِهِۦٓ إِيمَـٰنًا ۚ فَأَمَّا ٱلَّذِينَ ءَامَنُوا۟ فَزَادَتْهُمْ إِيمَـٰنًا وَهُمْ يَسْتَبْشِرُونَ 124
{124} Yeye Mtukufu Anasema akibainisha hali ya wanafiki na hali ya Waumini inapoteremka Qur'ani, na utofauti uliopo baina ya makundi mawili haya. Akasema: "Na inapokwisha teremshwa Sura” yenye maamrisho na makatazo ndani yake, na habari kuhusu nafsi yake tukufu na kuhusu mambo ya ghaibu na kuhimiza juu ya jihadi; "basi wapo miongoni mwao wasemao: Ni nani miongoni mwenu Sura hii imemzidishia Imani?“ Yaani, wanaulizwa wale waliopata imani kwa sababu yake miongoni mwa makundi haya mawili. Amesema Yeye Mtukufu akibainisha hali halisi: "Ama wale walioamini iliwazidishia Imani” kwa kuijua, na kuifahamu, na kuiitakidi, na kuifanyia kazi, na kuwa na utashi wa kutenda heri na kujiepusha na kufanya maovu. "Nao wanafurahi;" yaani, wanapeana bishara wao kwa wao kwa yale ambayo Mwenyezi Mungu amewaneemesha kwayo miongoni mwa ishara zake, na kuwawezesha kuifahamu na kuifanyia kazi. Na hili linaashiria kufunguka kwa vifua vyao juu ya ishara za Mwenyezi Mungu, utulivu wa nyoyo zao, na wepesi wa kufuata kwao yake inayowahimiza sura hiyo juu yake.