Al-Anfaal
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
وَٱلَّذِينَ ءَامَنُوا۟ وَهَاجَرُوا۟ وَجَـٰهَدُوا۟ فِى سَبِيلِ ٱللَّهِ وَٱلَّذِينَ ءَاوَوا۟ وَّنَصَرُوٓا۟ أُو۟لَـٰٓئِكَ هُمُ ٱلْمُؤْمِنُونَ حَقًّا ۚ لَّهُم مَّغْفِرَةٌ وَرِزْقٌ كَرِيمٌ 74
Na Aya zilizotangulia zinahusiana na kutaja mkataba wa urafiki wa ulinzi kati ya Waumini miongoni mwa Muhajirina na Ansari, nazo Aya hizi zinahusiana na kubainisha kuwasifu na thawabu zao:
{74} Kwa hivyo, Akasema: "Na wale walioamini, na wakahama, na wakapigana Jihadi katika Njia ya Mwenyezi Mungu, na wale waliotoa pahali pa kukaa na wakanusuru, hao ndio Waumini" miongoni mwa Muhajirina na Ansari, ndio Waumini "wa kweli." Kwa sababu waliisadikisha imani yao kwa yale waliyoyafanya ya kuhama, na nusura, na urafiki wa ulinzi wenyewe kwa wenyewe, na kufanya kwa jihadi dhidi ya maadui zao miongoni mwa makafiri na wanafiki. "Wana kusitiriwa dhambi" kutoka kwa Mwenyezi Mungu, atafuta kwayo mabaya yao, na yatapunguka kwayo makosa yao. "Na" wana "riziki njema;" yaani, heri nyingi kutoka kwa Mola Mlezi katika mabustani ya neema, na huenda wakapata thawabu ya haraka haraka yenye kuwafurahisha macho yao, na nyoyo zao kutulizwa kwayo.