Al-Anfaal
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
ذَٰلِكَ بِأَنَّ ٱللَّهَ لَمْ يَكُ مُغَيِّرًا نِّعْمَةً أَنْعَمَهَا عَلَىٰ قَوْمٍ حَتَّىٰ يُغَيِّرُوا۟ مَا بِأَنفُسِهِمْ ۙ وَأَنَّ ٱللَّهَ سَمِيعٌ عَلِيمٌ 53
{53} "Hiyo" adhabu ambayo Mwenyezi Mungu aliwafikishia umma zilizokadhibisha, na akawaondolea yale waliyokuwa nayo ya neema na starehe ni kwa sababu ya dhambi zao na kubadilisha kwao yale yaliyo katika nafsi zao. Kwa maana "Mwenyezi Mungu hakuwa ni wa kuibadilisha neema aliyowaneemesha kwayo kaumu" miongoni mwa neema za dini na dunia. Bali Yeye huzibakisha na kuwaongeza kwazo ikiwa watazidisha kumshukuru Yeye, “mpaka wabadilishe yale yaliyo katika nafsi zao” kutoka kwa utiifu hadi kwa maasia. Wakawa wameikufuru neema ya Mwenyezi Mungu, na wakaibadilisha na kufuru, kwa hivyo akawanyang’anya neema hiyo na akawabadilishia neema hiyo kama walivyobadilisha yale yaliyo katika nafsi zao. Na Mwenyezi Mungu ana hekima katika hilo na uadilifu na ihsani kwa waja wake. Kwa maana hakuwaadhibu isipokuwa kwa udhalimu wao, na kwa maana alizivutia nyoyo ya marafiki wake kwake kwa sababu ya yale anayowaonjesha waja ya mateso wanapohalifu amri yake. “Na kwamba hakika Mwenyezi Mungu ni Mwenye kusikia vyema, Mwenye kujua yote” Yeye huyasikia yote waliyoyasema wasemao, ni sawa anayeificha kauli yake na anayeidhihirisha. Na anajua yale yaliyo ndani ya dhamiri, yaliyofichika katika siri. Kwa hivyo, anawapitishia majaaliwa waja wake kulingana na kile ambacho elimu yake inahitaji, na yakafanyika hivyo mapenzi yake.