Al-Anfaal
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
وَإِذَا تُتْلَىٰ عَلَيْهِمْ ءَايَـٰتُنَا قَالُوا۟ قَدْ سَمِعْنَا لَوْ نَشَآءُ لَقُلْنَا مِثْلَ هَـٰذَآ ۙ إِنْ هَـٰذَآ إِلَّآ أَسَـٰطِيرُ ٱلْأَوَّلِينَ 31
{31} Yeye Mtukufu anasema katika kubainisha ukaidi wa wale wanaomkadhibisha Mtume - rehema na amani za Mwenyezi Mungu ziwe juu yake: - "Na wanaposomewa Aya zetu" zenye kuonyesha ukweli wa yale aliyosema Mtume, "wao husema: Hakika tumesikia. Lau tungetaka, tungesema mfano wa haya. Haya si chochote isipokuwa ngano za wa mwanzo.” Na hili ni kutokana na ukaidi wao na dhuluma yao. La sivyo, basi Mwenyezi Mungu aliwapa changamoto kwamba waje na sura mfano wake, na wamuite wale wanaoweza kando na Mwenyezi Mungu, lakini hawakuweza kufanya hivyo, na kukadhihirika kutoweza kwao. Na kauli hii iliyotoka kwa msemaji huyu ni madai matupu ambayo yalikadhibishwa na uhakika wa mambo. Na tayari ilikwisha julikana kwamba yeye rehema na amani za Mwenyezi Mungu ziwe juu yake hajui kusoma na kuandika, wala hakutoka kwenda kusoma katika habari za wa mwanzo, ndiyo akaja na kitabu hiki kitukufu ambacho hakijiwi na batili kwa mbele yake wala kwa nyuma yake, ni uteremsho kutoka kwa Mwenye hekima kubwa, Msifiwa sana.