Al-Anfaal
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
يَـٰٓأَيُّهَا ٱلَّذِينَ ءَامَنُوا۟ ٱسْتَجِيبُوا۟ لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ ۖ وَٱعْلَمُوٓا۟ أَنَّ ٱللَّهَ يَحُولُ بَيْنَ ٱلْمَرْءِ وَقَلْبِهِۦ وَأَنَّهُۥٓ إِلَيْهِ تُحْشَرُونَ 24
{24} Yeye Mtukufu anawaamrisha waja wake Waumini yale kile ambacho imani inahitaji kutoka kwao, nacho ni kumuitikia Mwenyezi Mungu na Mtume. Yaani, kufuata yale yale waliyoyaamrisha, na kuharakisha kuyafanya hivyo na kuyalingania, na kuyaepuka yale waliyoyakataza, na kukomeka nayo, na kuyakataza. Na kauli yake: "anapowaitia yenye kuwahuisha'" ni maelezo yaliyomo katika kila alichoitia Mwenyezi Mungu na Mtume wake, na kubainisha faida yake na hekima yake. Kwa maana, uhai wa moyo na roho ni kwa kumuabudu Mwenyezi Mungu Mtukufu na kushikamana na kumtii Yeye na kumtii Mtume Wake daima. Kisha akatahadharisha juu ya kutomwitikia Mwenyezi Mungu na Mtume, akasema: "Na jueni kuwa Mwenyezi Mungu huzuia kati ya mtu na moyo wake.” Basi jihadharini na kuikataa amri ya Mwenyezi Mungu mara ya kwanza linapowajia, kwa hivyo ikazuilika baina yenu nayo, mtakapoitaka baada ya hayo, na nyoyo zenu zikabadilika. Kwa maana Mwenyezi Mungu huzuia kati ya mtu na moyo wake. Anazigeuza nyoyo popote anapotaka, na anazielekeza popote atakapo. Basi mja na aseme kwa wingi: Ewe Mwenye kuzigeuza nyoyo! Uimarishe moyo wangu juu ya dini yako. Ewe Mwenye kuelekeza mioyo! Uelekeze moyo wangu kukutii Wewe. "Na kwamba hakika kwake Yeye mtakusanywa.” Yaani, mtakusanywa kwa ajili ya siku isiyokuwa na shaka yoyote ndani yake, kisha amlipe mwema kwa wema wake, na mtenda mabaya kwa maasia yake.