Al-Anfaal
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
إِذْ يُوحِى رَبُّكَ إِلَى ٱلْمَلَـٰٓئِكَةِ أَنِّى مَعَكُمْ فَثَبِّتُوا۟ ٱلَّذِينَ ءَامَنُوا۟ ۚ سَأُلْقِى فِى قُلُوبِ ٱلَّذِينَ كَفَرُوا۟ ٱلرُّعْبَ فَٱضْرِبُوا۟ فَوْقَ ٱلْأَعْنَاقِ وَٱضْرِبُوا۟ مِنْهُمْ كُلَّ بَنَانٍ 12
{12} Na miongoni mwa hayo ni kwamba, Mwenyezi Mungu aliwafunulia Malaika kwamba, "Hakika Mimi niko pamoja nanyi” kwa msaada, na nusura, na kuunga mkono; "basi watieni nguvu wale walioamini.” Yaani, tupeni katika nyoyo zao na waingizeni ujasiri dhidi ya adui yao na wahimizeni kushiriki katika jihadi na fadhila zake. "Nitatupa kicho katika nyoyo za wale waliokufuru" ambayo ndilo jeshi lenu kubwa zaidi dhidi yao. Kwa maana Mwenyezi Mungu akiwaimarisha Waumini na akatupa hofu katika nyoyo za makafiri, basi makafiri hawawezi kusimama imara dhidi yao, na Mwenyezi Mungu atawapa mabega yao. “Basi wapigeni juu ya shingo," yaani kwenye shingo. "Na wapigeni kwenye kila ncha za vidole;” yaani, kiungo. Na maneno haya ima ni kwa Malaika ambao [Mwenyezi Mungu] aliwafunulia wahyi kwamba wawaimarishe wale walioamini, na huu unakuwa ushahidi kwamba walipigana hasa Siku ya Badr, au ni kwa Waumini ambao Mwenyezi Mungu anawahimiza na anawafundisha namna ya kuwaua washirikina na kwamba hawawahurumii.