Al-A'raaf
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
وَإِذَا فَعَلُوا۟ فَـٰحِشَةً قَالُوا۟ وَجَدْنَا عَلَيْهَآ ءَابَآءَنَا وَٱللَّهُ أَمَرَنَا بِهَا ۗ قُلْ إِنَّ ٱللَّهَ لَا يَأْمُرُ بِٱلْفَحْشَآءِ ۖ أَتَقُولُونَ عَلَى ٱللَّهِ مَا لَا تَعْلَمُونَ 28
{28} Yeye Mtukufu anasema akieleza ubaya wa hali ya washirikina ambao wanafanya madhambi na wanayanasibisha kuwa Mwenyezi Mungu aliwaamrisha kuyafanya: "Na wanapofanya uchafu;" nayo ni kila lililo chafu na baya. Na miongoni mwa hayo ni kuzunguka kwao Al-Kaaba uchi, "husema: Tuliwakuta baba zetu juu yake." Nao ni wakweli katika haya, "na Mwenyezi Mungu ndiye aliyetuamrisha hayo;" nao walidanganya katika hili. Na ndiyo maana Mwenyezi Mungu akawakanusha katika kunasibisha huku, akasema: "Sema: Hakika Mwenyezi Mungu haamrishi uchafu." Yaani, haiufailii ukamilifu wake na hekima yake kwamba awaamrishe waja wake kufanya machafu, si haya wanayoyafanya washirikina na wala yasiyokuwa hayo. "Je, mnasema juu ya Mwenyezi Mungu yale msiyoyajua?" Na ni uzushi gani wa uongo ulio mkubwa zaidi kuliko huu?