Al-An'aam
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
وَقَالُوا۟ لَوْلَآ أُنزِلَ عَلَيْهِ مَلَكٌ ۖ وَلَوْ أَنزَلْنَا مَلَكًا لَّقُضِىَ ٱلْأَمْرُ ثُمَّ لَا يُنظَرُونَ 8
{8} "Na walisema," pia kwa kuuegemea ujinga na kutokuwa na elimu mambo ya busara. "Mbona hakuteremshiwa Malaika?" Yaani, mbona hakuteremshwa Malaika pamoja na Muhammad ili amsaidie katika jambo lake? Kwa kudai kwao kwamba yeye ni mwanadamu na kwamba ujumbe wa Mwenyezi Mungu hauwi isipokuwa katika mikono ya malaika. Mwenyezi Mungu akasema katika kubainisha rehema yake na upole wake kwa waja wake kwa kuwa aliwatumia mwanadamu kutoka miongoni mwao, ili kuamini katika aliyoyaleta iwe juu ya elimu, na ufahamu na mambo ya ghaibu: "Na kama tungelimteremsha Malaika," kwa ujumbe wetu, basi Imani ingekuwa si kwa kutokana na kujua haki, lakini ingekuwa imani kwa ushahidi ambayo peke yake hainufaishi kitu. Hii ni ikiwa wataamini. Lakini uwezekano mkubwa zaidi ni kwamba hawataamini katika hali hii. Basi ikiwa hawaamini, "basi bila ya shaka ingeshahukumiwa amri;" kwa kuwaharakishia maangamizo juu yao na wala wasingengojewa. Kwa sababu hii ndiyo ada ya Mwenyezi Mungu katika wale wanaoomba aya wanazozipendekeza wao, kisha wasiziamini. Basi kuwatumia Mtume wa kibinadamu na Aya zilizo wazi ambazo Mwenyezi Mungu anajua kuwa, hizo ndizo bora zaidi kwa waja wake na nyepesi zaidi kwao, pamoja na Mwenyezi Mungu kuwapa muhula makafiri na wale wanaokadhibisha ni bora kwao na ni lenye manufaa zaidi. Basi maombi yao kwamba ateremshwe Malaika ni ubaya kwao, laiti wangelikuwa wanajua.