Al-An'aam
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
قُلْ هُوَ ٱلْقَادِرُ عَلَىٰٓ أَن يَبْعَثَ عَلَيْكُمْ عَذَابًا مِّن فَوْقِكُمْ أَوْ مِن تَحْتِ أَرْجُلِكُمْ أَوْ يَلْبِسَكُمْ شِيَعًا وَيُذِيقَ بَعْضَكُم بَأْسَ بَعْضٍ ۗ ٱنظُرْ كَيْفَ نُصَرِّفُ ٱلْـَٔايَـٰتِ لَعَلَّهُمْ يَفْقَهُونَ 65
{65} Yaani, Yeye Mwenyezi ni Muweza wa kuwatumia adhabu kutokea kila upande, "kutoka juu yenu au kutoka chini ya miguu yenu, au awavishe fujo." Yaani, Awachanganye "fujo la mfarakano, na awaonjeshe baadhi yenu jeuri ya wenzi wenu." Yaani, katika majaribio na kuuana wenyewe kwa wenyewe. Basi yeye ni muweza wa yote hayo. Basi jihadhari na kudumu katika kumuasi, ikaja kuwapata adhabu itakayowangamiza na kuwafutilia mbali. Na pamoja na hili, akasema kwamba Yeye ni Muweza wa hayo, lakini katika rehema Zake ni kwamba Aliwaondolea Ummah huu adhabu kutokea juu yao kwa kupigwa kwa mawe, na changarawe, na mfano wake, na kutokea chini ya miguu yao kwa kudidimizwa. Lakini aliwaadhibu baadhi ya wale aliowaadhibu miongoni mwao kwa kuwaonjesha baadhi yao jeuri ya baadhi yao, na akawapa baadhi yao mamlaka juu ya wenzi wao kwa adhabu hizi zilizotajwa, kama adhabu ya haraka ambayo wataiona wenye kuzingatia na wanaoifanyia kazi wataihisi. "Tazama vipi tunavyozieleza Aya;" yaani, tunavyozitofautisha na kuzileta kwa namna nyingi, na zote zinaonyesha haki, "ili wafahamu." Yaani, wafahamu kile walichoumbwa kwa ajili yake na waelewe uhakika wa kisheria na matakwa ya kimungu.