Al-An'aam
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
وَهُوَ ٱلَّذِى يَتَوَفَّىٰكُم بِٱلَّيْلِ وَيَعْلَمُ مَا جَرَحْتُم بِٱلنَّهَارِ ثُمَّ يَبْعَثُكُمْ فِيهِ لِيُقْضَىٰٓ أَجَلٌ مُّسَمًّى ۖ ثُمَّ إِلَيْهِ مَرْجِعُكُمْ ثُمَّ يُنَبِّئُكُم بِمَا كُنتُمْ تَعْمَلُونَ 60
Yote haya ni uthibitisho wa uungu Wake, na ni hoja dhidi ya wale wanaomshirikisha Yeye, na ni ubainisho kwamba Yeye, Mtukufu ndiye anastahiki kupendwa, na ukuu, na heshima, na utukufu.
{60} Akajulisha kwamba Yeye peke yake ndiye Mwenye mwenye kuwaendesha waja wake katika hali yao ya kuwa macho, na katika kulala kwao, na kwamba Yeye huwafisha usiku kufisha kwa kulala. Kwa hivyo harakati zao zinatulia, na miili yao inastareheka, na huwaamsha katika usingizi wao. Ili watekeleze maslahi yao ya kidini na ya kidunia, na Mwenyezi Mungu Mtukufu anajua waliyofanya na kuchuma katika vitendo hivyo. Kisha yeye Mtukufu haachi kuwaendesha hivi mpaka watimize mida yao. Kwa hivyo anamaliza kwa kuendesha huku muda maalumu, nao ni muda wa maisha, na muda mwingine baada ya hapo, nao ni kufufuliwa baada ya kufa. Na ndiyo maana akasema, "kisha kwake Yeye ndiyo marejeo yenu;" si kwa mwingineye. "Kisha atawaambia yale mliyokuwa mkiyafanya;" ya heri na maovu.