Al-An'aam
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
قُلْ فَلِلَّهِ ٱلْحُجَّةُ ٱلْبَـٰلِغَةُ ۖ فَلَوْ شَآءَ لَهَدَىٰكُمْ أَجْمَعِينَ 149
{149} Na miongoni mwake ni kuwa, hoja ni ya Mwenyezi Mungu, ambayo ni ya kukata, ambayo hakubaki yeyote na udhuru wowote, na ambayo walikubaliana juu yake Manabii na Mitume, na Vitabu vya Mwenyezi Mungu, na hadithi za unabii, na akili timamu, na umbile la asili lilionyooka, na maadili mema. Kwa hivyo, ikajulikana kwa hilo kuwa kila kitu kinachopingana na aya hii ya mkato ni batili. Kwa sababu kinyume cha haki hakiwi isipokuwa batili. Na miongoni mwake ni kwamba, Mwenyezi Mungu Mtukufu alimpa kila kiumbe uwezo na utashi anayoweza kwayo kufanya kile alichoamrishwa kufanya. Na Mwenyezi Mungu hakumlazimisha yeyote kufanya kile asichoweza, kufanya, wala hakumharamishia yeyote kile asichoweza kukiacha. Basi kutumia majaliwa na matokea yake kama hoja baada ya hayo, ni dhuluma tupu na ukaidi mtupu. Na miongoni mwake ni kwamba, Mwenyezi Mungu Mtukufu hakuwalazimisha waja wake kufanya vitendo vyao. Bali aliyafanya matendo yao kufuatana na chaguo lao. Wakitaka, wanafanya, na wakitaka wanaacha. Na hili ni jambo linaloshuhudiwa na halikatai isipokuwa mwenye kiburi na akayakataa mambo ya hisia. Kwa maana kila mwenye kutofautisha kati ya harakati za hiari na harakati za kulazimishwa, ingawa zote hizo zinaingia katika mapenzi ya mwenyezi Mungu na yako chini ya kutaka kwake. Na miongoni mwake ni kwamba, wale wanaotumia majaliwa na matokeo yake juu ya kufanya maasia wanapingana katika hilo. Kwani hawawezi kuitumia katika kila hali. Bali lau kama mkosaji angewafanyia kosa kwa kuwapiga au kuchukua mali yao au mfano wa hayo, na akatumia majaliwa ya Mwenyezi Mungu na matokeo yake kuwa hoja yake, hawangekubali hoja hii kutoka kwake, na wangekasirika sana juu ya hilo. Basi ee maajabu haya! Vipi wanaitumia kama hoja juu ya kumuasi mwenyezi Mungu, na machukizo yake, wala hawakubali kwa yeyote kuitumia kama hoja yake dhidi ya yale yenye kuwakasirisha? Na miongoni mwake ni kwamba, kutumia majaliwa na matokeo yake kama hoja siyo makusudio yao, na wanajua vyema kuwa si hoja. Bali makusudio katika hilo ni kuipinga haki, na wanaona kuwa haki iko sawa na kitu kipya kilichowaingilia. Kwa hivyo wanaizuia kwa kila kitu kinachokuja akilini mwao miongoni mwa maneno [hata kama wanaitakidi kuwa ni kosa].