Fussilat
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
قُلْ إِنَّمَآ أَنَا۠ بَشَرٌ مِّثْلُكُمْ يُوحَىٰٓ إِلَىَّ أَنَّمَآ إِلَـٰهُكُمْ إِلَـٰهٌ وَٰحِدٌ فَٱسْتَقِيمُوٓا۟ إِلَيْهِ وَٱسْتَغْفِرُوهُ ۗ وَوَيْلٌ لِّلْمُشْرِكِينَ 6 ٱلَّذِينَ لَا يُؤْتُونَ ٱلزَّكَوٰةَ وَهُم بِٱلْـَٔاخِرَةِ هُمْ كَـٰفِرُونَ 7
{6 - 7} "Sema" ewe Nabii ukiwaambia: "Hakika mimi ni mtu kama nyinyi; inafunuliwa kwangu." Yaani, hii ndiyo sifa yangu na jukumu langu kwamba: Mimi ni binadamu kama nyinyi ambaye sina langu jambo katika suala hili, wala sina hicho mnachokiharakishia. Ni Mwenyezi Mungu tu aliyeniboresha juu yenu kwa wahyi alioniteremshia na akaniamrisha niufuate na nikuiteni katika huo. "Basi nyookeni sawa kumwendea Yeye" kwa kufuata njia inayofikisha kwa Mwenyezi Mungu Mtukufu kwa kusadiki habari alizopeana, na kwa kufuata amri zake na kujiepusha na makatazo yake. Huu ndio uhakika wa unyoofu. Kisha dumuni hivyo. Na kuna tanbihi katika kauli yake: "kumwendea Yeye" juu ya kuwa na ikhlas, na kwamba mtendaji matendo anafaa kufanya lengo lake na nia yake anazozifanyia matendo ni kumfikia Mwenyezi Mungu na kwenye makao ya utukufu wake. Kwa hivyo, yanakuwa matendo yake hayo ni ya kumkusudia Mwenyezi Mungu peke yake, mema, yenye kunufaisha, na ikiwa hayo yatakosekana, basi matendo yake hayo yanakuwa batili. Kwa kuwa mja, hata ikiwa atafanya bidii kubwa ya kunyooka, ni lazima atapatwa na kasoro kwa kutofanya vyema jambo lililoamrishwa au kutenda lililoharamishwa; akamuamrisha ponya ya hilo ambayo ni kuomba msamaha unaojumuisha toba, akasema: "na mtakeni msamaha." Kisha akawatishia kwa adhabu wale walioacha kunyooka, akasema: "Na ole wao wanaomshirikisha. Ambao hawatoi Zaka," ambao waliabudu badala ya Mwenyezi Mungu wale ambao hawamiliki manufaa yoyote, madhara, mauti, uhai wala ufufuo, na wakajichafua nafsi zao na hawakujitakasa kwa kumpwekesha Mola wao Mlezi na kumkusudia Yeye tu, na pia hawakuswali wala hawakumtoa Zaka. Kwa hivyo, hawakumkusudia Muumba kwa kumpwekesha na kuswali, na wala hawakuwanufaisha viumbe kwa kuwapa Zaka na vitu vinginevyo. "Na wanaikataa Akhera." Yaani, hawaamini ufufuo wala Bustani za mbinguni wala Moto. Ndiyo maana hofu ilipoondoka nyoyoni mwao, wakafanya hayo waliyoyafanya, miongoni mwa mambo ya kuwadhuru katika maisha ya akhera.