Fussilat
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
وَمِنْ ءَايَـٰتِهِ ٱلَّيْلُ وَٱلنَّهَارُ وَٱلشَّمْسُ وَٱلْقَمَرُ ۚ لَا تَسْجُدُوا۟ لِلشَّمْسِ وَلَا لِلْقَمَرِ وَٱسْجُدُوا۟ لِلَّهِ ٱلَّذِى خَلَقَهُنَّ إِن كُنتُمْ إِيَّاهُ تَعْبُدُونَ 37
{37} Kisha Mwenyezi Mungu Mtukufu akataja kwamba: "Na katika Ishara zake" zinazoashiria ukamilifu wa uwezo wake, na utekelezaji wa utashi wake, na upana wa mamlaka yake, na rehema yake kwa waja wake, na kwamba Yeye ndiye Mungu peke yake, hana mshirika, "ni usiku na mchana." Hiki ni kwa ajili ya manufaa ya nuru yake na waja kuweza kufanya mambo yao ndani yake, na hiki ni kwa manufaa ya giza lake na kutulia kwa viumbe humo. "Na jua na mwezi," ambavyo bila ya hivyo hayawezi kunyooka maisha ya waja, wala miili yao, wala miili ya wanyama wao, na pia vinawapa masilahi mengineyo yasiyoweza kudhibitika kwa idadi. "Basi msilisujudie jua wala mwezi," kwani ni viumbe viwili vilivyotiishwa na Mwenyezi Mungu, "bali msujudieni Mwenyezi Mungu aliyeviumba" na mumwabudu Yeye peke yake. Kwa sababu Yeye ndiye Muumba Mkuu, na muwache kuviabudu visivyokuwa Yeye miongoni mwa viumbe, hata kama vina miili mikubwa namna gani, na hata kama vina masilahi mengi namna gani. Kwani hayo hayatokani navyo, lakini yanatokana na Muumba wa vitu hivyo, Mwingi wa baraka, Mtukufu. "Ikiwa nyinyi mnamuabudu Yeye tu," basi mkusudieni Yeye peke yake kwa ibada na dini.