Fussilat
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
وَلَا تَسْتَوِى ٱلْحَسَنَةُ وَلَا ٱلسَّيِّئَةُ ۚ ٱدْفَعْ بِٱلَّتِى هِىَ أَحْسَنُ فَإِذَا ٱلَّذِى بَيْنَكَ وَبَيْنَهُۥ عَدَٰوَةٌ كَأَنَّهُۥ وَلِىٌّ حَمِيمٌ 34
{34} Mwenyezi Mungu Mtukufu anasema: "Mema na maovu hayalingani." Yaani, kufanya matendo mema na utiifu kwa ajili ya kumridhisha Mwenyezi Mungu Mtukufu hakulingani na kutenda maovu na maasi yanayomchukiza na wala hayamridhishi. Na wala haiwi sawa kuwatendea viumbe wema na kuwafanyia maovu, si katika dhati ya ubaya huo, wala katika sifa zake, wala katika malipo yake. "Ati yaweza kuwa malipo ya ihsani ila ihsani?" Kisha akaamrisha tendo maalumu la ihsani, lenye umuhimu mkubwa, nalo ni kumfanyia wema mtu aliyekufanyia ubaya, akasema: "Pinga uovu kwa lililo jema zaidi." Yaani, Akikuudhi mwenye kukuudhi miongoni mwa viumbe, hasa yule ambaye ana haki kubwa juu yako, kama vile jamaa zako, marafiki, na wengineo, akakufanyia ubaya kwa maneno au kwa vitendo, basi kabilana naye kwa kumfanyia wema. Akikukataa, wewe muunge, na akikudhulumu, wewe msamehe. Na akizungumza juu yako usipokuwepo au ukiwepo, wewe usikabiliane naye kwa njia hiyo, bali msamehe na uamiliane naye kwa maneno ya upole. Na akikupa mgongo na akaacha kusema nawe, wewe msemeshe kwa maneno mazuri na umpe salamu. Ukiukabili ubaya kwa uzuri, kutakuwa na faida kubwa sana. "Hapo yule ambaye baina yako naye pana uadui, atakuwa kama rafiki jamaa wa kukuonea uchungu."