Fussilat
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
فَإِنْ أَعْرَضُوا۟ فَقُلْ أَنذَرْتُكُمْ صَـٰعِقَةً مِّثْلَ صَـٰعِقَةِ عَادٍ وَثَمُودَ 13 إِذْ جَآءَتْهُمُ ٱلرُّسُلُ مِنۢ بَيْنِ أَيْدِيهِمْ وَمِنْ خَلْفِهِمْ أَلَّا تَعْبُدُوٓا۟ إِلَّا ٱللَّهَ ۖ قَالُوا۟ لَوْ شَآءَ رَبُّنَا لَأَنزَلَ مَلَـٰٓئِكَةً فَإِنَّا بِمَآ أُرْسِلْتُم بِهِۦ كَـٰفِرُونَ 14
{13 - 14} Yaani, iwapo hawa wanaokadhibisha watapeana mgongo, baada ya kubainishiwa maelezo ya Qur-ani yenye kusifiwa na baada ya kuelezewa sifa za Mungu Mkuu, "wewe sema: 'Nakuhadharisheni adhabu'" ya kuwang'oeni na kuwafagilieni mbali, "mfano wa adhabu ya 'Adi na Thamudi," ambao ni makabila mawili mashuhuri; ambao adhabu iliwaangamiza wote kwa sababu ya dhuluma yao na ukafiri wao. "Walipowajia Mitume mbele yao na nyuma yao," wakifuatana mmoja baada ya mwingine huku wote wakilingania kwa kitu kimoja, "wakawaambia: 'Msimuabudu ila Mwenyezi Mungu!'" Yaani, waliwaamrisha wamkusudie Mwenyezi Mungu peke yake na wakawakataza kumshirikisha, lakini wakaukataa ujumbe wao na wakawakadhibisha, na "wakasema: 'Angelitaka Mola wetu Mlezi bila ya shaka angeliwateremsha Malaika." Ama nyinyi, basi ni wanadamu tu kama sisi. "Basi sisi hakika tunayakataa hayo mliyotumwa nayo." Dhana hii potofu ingali inarithiwa baina ya umma miongoni mwa wale wanaokadhibisha, lakini ni miongoni mwa dhana potofu zisizo na nguvu zaidi. Kwani siyo katika masharti ya kutuma kwamba aliyetumwa awe malaika, bali sharti la kutumwa kama mjumbe ni mjumbe huyo kuleta kitu ambacho kinathibitisha ukweli wake. Kwa hivyo, na watie dosari katika ukweli wake kwa dosari ya kiakili au ya kisheria kama wataweza, na kamwe hawataweza kufanya hivyo.